Dvum rasijanam vystaŭlena abvinavačańnie pa spravie ab vybuchach na salucie ŭ Minsku, jość jašče dvoje padazravanych
Śledstva vystaviła abvinavačańnie dvum hramadzianam Rasii, aryštavanym pa spravie ab vybuchach fiejervieračnych vyrabaŭ padčas śviatočnaha salutu ŭ Minsku 3 lipienia. Pra heta TASS paviedamiŭ u sieradu pres-sakratar pasolstva RF u Biełarusi Siarhiej Arajeŭ.
«Abvinavačvańnie pradjaŭlena. Praciahvajucca śledčyja dziejańni», — adznačyŭ pres-sakratar.
Spačatku SK nie paćviardžaŭ infarmacyju.
«U ciapierašni čas pa kryminalnaj spravie dvaim fihurantam pradjaŭlenaje abvinavačvańnie ŭ ździajśnieńni złačynstva, praduhledžanaha č. 2 art. 299 (parušeńnie praviłaŭ abychodžańnia z vybuchaniebiaśpiečnymi rečyvami, piratechničnymi vyrabami, što paciahnuła pa nieaściarožnaści śmierć čałavieka) Kryminalnaha kodeksa Respubliki Biełaruś.
Jašče dva čałavieki znachodziacca ŭ statusie padazravanych».
Pravodziacca śledčyja i inšyja pracesualnyja dziejańni, nakiravanyja na ŭstalavańnie abstavinaŭ taho, što adbyłosia, u tym liku śpiecyjalistam HKSE daručana praviadzieńnie vybuchatechničnaj ekśpiertyzy dla vyznačeńnia pryčyny i miechanizmu raźvićcia vybuchaŭ.
SK taksama źviartajecca da vidavočcaŭ, što zdymali momanty vybuchaŭ fiejervieračnych vyrabaŭ na videa, z prośbaj źviazacca sa śledčymi i pieradać materyjały.
U vyniku vybuchu fiejervieračnych vyrabaŭ padčas śviatočnaha salutu ŭ Miensku 3 lipienia zahinuła žančyna, 10 čałaviek atrymali ranieńni. Salutnyja ŭstanoŭki i sami fiejervieračnyja vyraby byli nabyty ŭ rasijskim AAT «Pira-Ros» (Sierhijeŭ Pasad).
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary