Rasijskuju raspracoŭku, uzor piłatavanaha dvuchmiesnaha samalota «Sihma-4» na vadarodnaj ciazie, prademanstrujuć na aŭtasałonie MAKS-2019 u Maskoŭskaj vobłaści. Ab hetym piša iz.ru sa spasyłkaj na infarmacyju raspracoŭščykaŭ samalota.
Pa ich słovach, vadarod u ruchaviku hetaha samalota nie spalvajecca, a ŭstupaje ŭ elektrachimičnuju reakcyju z kisłarodam, dajučy elektraenierhiju dla kručeńnia vintoŭ. U pavietra pry hetym vykidajecca vadziany par.
«Enierhaefiektyŭnaść vadarodnaj ustanoŭki ŭ 2,8 raza vyšejšaja, čym pry spalvańni hazy. Viadučyja suśvietnyja raspracoŭniki avijacyjnaj techniki ŭpeŭnienyja, što vadarod — paliva budučyni, ale masavy pierachod avijakampanij na vadarodnyja samaloty čakajuć nie raniej za siaredzinu stahodździa», — piša vydańnie.
Vadarodnaja siłavaja ŭstanoŭka zajmaje ŭ samalocie adno miesca pasažyra. Razmach kryłaŭ dvuchmiesnaha samalota składaje 9,8 m pry daŭžyni ŭ 6,2 m, uźlotnaja masa — 600 kh, dalokaść palotu — da 300 km.
Taki samalot, na dumku raspracoŭščykaŭ, moža być karysny ŭ sielskaj haspadarcy, u sanavijacyi, a taksama ŭ jakaści aerataksi.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary