Sukała skardzicca: Śledčyja cisnuli na sudździaŭ padčas pracesu nad Hałavačom
Padčas pracesu pa spravie hałoŭnaha inžyniera MZKC Andreja Hałavača ažyćciaŭlaŭsia cisk na sudździaŭ z boku śledčych. Pra heta paviedamiŭ siońnia žurnalistam staršynia Viarchoŭnaha suda Valancin Sukała paśla narady kiraŭnika dziaržavy z pravaachoŭnym błokam, pieradaje BIEŁTA.
Padčas narady Alaksandr Łukašenka padkreśliŭ, što niedapuščalna, kali ŭ praktycy siłavikoŭ źjaŭlajecca novaja «forma» pracy — pramy cisk na ŭdzielnikaŭ kryminalnaha pracesu. «Navat da sudździaŭ padjazdžajuć i pačynajuć na ich nakatvać: dy my z vami, dy my vas budziem presavać, nachilać», — raskazaŭ kiraŭnik krainy.
Valancin Sukała paćvierdziŭ, što takija vypadki sapraŭdy adbyvajucca, chaj i nie časta. U pryvatnaści, tak było padčas sudovaha pracesu pa kryminalnaj spravie ŭ dačynieńni da hałoŭnaha inžyniera Minskaha zavoda kołavych ciahačoŭ. «Takija fakty ŭstanoŭleny, jany byli — cisk z boku i rabotnikaŭ Śledčaha kamiteta na sudździaŭ z tym, kab jany pastanavili nie toj prysud, jaki pastaŭleny. Dumaju, što ŭ dačynieńni da vinavatych buduć pryniatyja miery», — skazaŭ staršynia Viarchoŭnaha suda.
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki10
Kamientary