Ekśpierymient u Hrodnie: biełaruskuju movu na prypynkach transpartu zamianiajuć ruskaj
U redakcyju Hrodna.life źviarnuŭsia čytač Alaksiej Łukjančyk. Jaho niepakoić źjaŭleńnie na prypynkach hramadskaha transpartu raskładaŭ na ruskaj movie. Jašče niadaŭna ŭsie raskłady byli biełaruskamoŭnyja. Hrodna.life vyśvietliŭ, ci varta čakać poŭnaj rusifikacyi raskładaŭ na prypynkach.
U pieršaj pałovie žniŭnia Alaksiej Łukjančyk źviarnuŭ uvahu na toje, što na niekatorych prypynkach hramadskaha transpartu abnoŭlenyja raskłady ruchu byli vykanany nie na biełaruskaj, a na ruskaj movie. Z hetym pytańniem jon źviarnuŭsia da kiraŭnictva aŭtobusnaha parka Hrodna. Zvarot pieranakiravali ŭ arhanizacyju, jakaja niepasredna zajmajecca vyrabam i raźmiaščeńniem raskładaŭ ruchu na prypynkach.
Hrodna.life pravieryŭ, jak vyhladajuć raskłady na niekatorych prypynkach u centry. Vyśvietliłasia, što raskłady ruchu tralejbusaŭ napisany pa-rusku, raskład ruchu aŭtobusaŭ — pa-biełarusku.
U tralejbusnym upraŭleńni paviedamili, što ŭžo bolš za hod vyrabam i raźmiaščeńniem raskładaŭ na prypynkach zajmajecca «Apieratar pasažyrskich pieravozak».
Źjaŭleńnie ruskamoŭnych raskładaŭ tam, dzie raniej byli biełaruskamoŭnyja — heta ekśpierymient. «Vyrašyli pahladzieć, jak ludziam bolš padabajecca. Niechta piša «čamu na biełaruskaj», inšyja pišuć, što pavinna być na biełaruskaj. Taksama źviartalisia z prapanovaj rabić raskłady na anhlijskaj, bo da nas pryjazdžaje šmat turystaŭ», — kaža kiraŭnik adździeła arhanizacyi pieravozak Apieratara pasažyrskich pieravozak Vadzim Vasiljeŭ.
Pakolki ŭ Biełarusi dźvie dziaržaŭnyja movy, «Apieratar» ličyć, što infarmacyja na transparcie moža być na luboj ź ich.
Dla zručnaści turystaŭ u centralnaj častcy horada ŭžo na 10 prypynkach raskład pradubliravali na anhlijskaj movie.
«Napeŭna, pacichu budziem pierachodzić na biełaruskuju, kab i inšaziemcam pakazać, što my samastojnaja dziaržava, padkreślić svaju nacyjanalnaść i svaje asablivaści, — zapeŭnili Hrodna.life u Apieratara pasažyrskich pieravozak. — Usio budzie zhodna z zakanadaŭstvam, na abiedźviuch dziaržaŭnych movach, ale pieravaha budzie nadavacca biełaruskaj».
Kab nie płacić padatak na sabak, minčuki pačali zdavać ich u punkty adłovu25
Kamientary