Minčuku nie chacieli pavialičvać piensiju, bo nie zrazumieli zapis u pracoŭnaj knizie pa-biełarusku
Žychar Minska praz sud adstajaŭ prava na spraviadlivuju piensiju. Pra heta paviedamlaje sajt Hienieralnaj prakuratury.
U 1995-1997 hadach mužčyna pracavaŭ kiroŭcam-ekśpiedytaram u pradstaŭnictvie łatvijskaj kampanii ŭ Biełarusi. Heta paćviardžałasia zapisam u jaho pracoŭnaj knižcy.
Adnak dla vyznačeńnia pracoŭnaha stažu i naličeńnia piensii hetyja hady nie ŭličyli. Čamu?
Vyjaviłasia, što ŭ pracoŭnaj knižcy nazva pradpryjemstva była zapisanaja pa-biełarusku, a ruskamoŭnaja viersija hučała i pisałasia inakš. Tamu jaje i nie znajšli ŭ bazie padatkapłacielščykaŭ.
Sud Pieršamajskaha rajona Minska, kudy źviarnuŭsia mužčyna, hetaha nie zrazumieŭ, tamu i admoviŭ jamu ŭ spraviadlivaj piensii.
Adnak prakuratura apratestavała rašeńnie, i Minski haradski sud admianiŭ papiarednieje rašeńnie rajonnaha suda. Pastanoŭlena zadavolić patrabavańni mužčyny.
Kali Kanapackaja stała całkam padkantrolnaja Łukašenku?22
Kamientary