«Łukašenka jak padmanvaŭ Jeŭropu svaimi pustymi abiacankami, tak i budzie praciahvać heta rabić», — miarkuje kaardynatar «Chartyi-97» Andrej Sańnikaŭ.
«Łukašenka jak padmanvaŭ Jeŭropu svaimi pustymi abiacankami, tak i budzie praciahvać heta rabić», — miarkuje kaardynatar «Chartyi-97» Andrej Sańnikaŭ.
«Chaŭjer Sałana – vopytny, kvalifikavany dypłamat, palityk i mižnarodny čynoŭnik. Jon vielmi dobra viedaje biełaruskuju situacyju, nieadnarazova rabiŭ zajavy z nahody najhrubiejšych parušeńniaŭ pravoŭ čałavieka i adsutnaści demakratyi ŭ Biełarusi. Jon nievypadkovy vizicior, jaki pryjechaŭ u Miensk i, zachaplajučysia čyścinioj horada, rabiŭ zajavy ab roskvicie demakratyi ŭ Biełarusi. Viarchoŭny pradstaŭnik JEZ pryjechaŭ u Miensk dla sustrečy z apošnim dyktataram Jeŭropy, cudoŭna ŭśviedamlajučy toje, kudy jon jedzie i što jon budzie rabić», -- upeŭnieny lider hramadzianskaj kampanii «Jeŭrapiejskaja Biełaruś» Andrej Sańnikaŭ.
Tamu, ličyć palityk, aceńvać vizit u Miensk viarchoŭnaha pradstaŭnika Jeŭraźviaza pa pytańniach ahulnaj źniešniaj palityki i palityki biaśpieki treba pa samych surjoznych kryterach.
«Sałana pryjechaŭ dla sustrečy z Łukašenkam i dla zaklučeńnia ź isnujučym režymam peŭnych damoŭlenaściaŭ. Hetyja damoŭlenaści nie majuć ničoha ahulnaha z demakratyjaj ci abaronaj pravoŭ čałavieka.Nie pieraśledujuć jany mety palapšeńnia situacyi ŭ Biełarusi. Jany nakiravanyja na pryznańnie dziejańniaŭ dyktatara i na vybudoŭvańnie adnosinaŭ aficyjnaha Mienska ź jeŭrapiejskimi čynoŭnikami i biznesmenami. Łukašenka jak padmanvaŭ Jeŭropu svaimi pustymi abiacankami, tak i budzie praciahvać heta rabić, zatoje jaho mahčymaści heta rabić u Jeŭropie, dziakujučy Sałanu, siońnia značna ŭzraśli», — ličyć Sańnikaŭ.
Lider «Jeŭrapiejskaj Biełarusi» nahadaŭ, što pieršy kantakt z Łukašenkam ŭ Sałany adbyŭsia pa telefonie 24 vieraśnia minułaha hoda, kali viarchoŭny pradstaŭnik ad imia JEZ zajaviŭ, što praviadzieńnie tak zvanych vybaraŭ u Biełarusi stanie kryteram budučych adnosinaŭ Biełarusi ź Jeŭropaj.Možna mierkavać, što adbudziecca paśla vočnaj sustrečy Łukašenki ź jeŭrapiejskim čynoŭnikam.«Što za hetym adbyłosia, my dobra viedajem. Łukašenka ŭspryniaŭ telefonnuju hutarku z Sałanam jak dobry znak i jak uchvaleńnie svajoj palityki.
Za vizitam Sałany vyrazna bačny cień Miunchiena 1938 hoda. U toj čas brytanski premjer Čembierlen, padpisaŭšy damovy z Hitleram i Musalini, radasna ŭskliknuŭ u Łondanie: «Ja prynios vam mir!». Siońnia hetyja damovy nazyvajuć «miunchienskaj zmovaj» i «čornaj plamaj» u historyi Jeŭropy. Vysoki jeŭrapiejski čynoŭnik pryjechaŭ u Biełaruś, niahledziačy na toje, što pieršapačatkovaja ŭmova JEZ dla kantaktu ź biełaruskim režymam – adsutnaść palityčnych źniavolenych i palityčnych represijaŭ – Łukašenkam nie vykonvajecca.
Vizit Sałany pakazvaje, što nie tolki Biełarusi, ale i Jeŭropie patrebnyja pieramieny, što palityka minułaha nie pryniasie nijakich vynikaŭ. Biełaruś stanie jeŭrapiejskaj i demakratyčnaj krainaj, jak by hetamu ni supraciŭlalisia režym Łukašenki i niekatoryja jeŭrapiejskija čynoŭniki. Sałany i Łukašenki sychodziać – Jeŭropa i Biełaruś zastajucca», -- zajaviŭ Andrej Sańnikaŭ.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary