Zasnavalnik Facebook Mark Cukierbierh zajaviŭ u intervju NBC, što Rasieja, Iran i Kitaj sprabujuć umiašacca ŭ vybary prezidenta ZŠA 2020 hoda, piša tut.by.
«My bačym, što Rasieja, Iran i Kitaj vykarystoŭvajuć usie bolš daskanałyja taktyki dla ŭmiašańnia ŭ vybary. <…> [Vyjaŭlenyja nami sietki akaŭntaŭ] sihnalizujuć, što hetyja dziaržavy majuć namier prajavić aktyŭnaść padčas majučych adbycca vybaraŭ», — zajaviŭ Cukierbierh.
21 kastryčnika Facebook paviedamiŭ ab błakavańni fejkavych akaŭntaŭ ź Irana i Rasii. Sietka akaŭntaŭ rasijskaha pachodžańnia ŭklučała 50 fejkavych staronak u instahramie i adnu ŭ fejsbuku. Tam raźmiaščalisia paviedamleńni ab kansiervatyźmie i libieraliźmie, ekałohii, vybarach prezidenta ZŠA 2020 hoda, rasavych prablemach i prablemach ŁHBT.
Supracoŭniki Facebook znajšli ŭ hetych akaŭntaŭ suviazi z rasiejskim «Ahienctvam internet-daśledavańniaŭ». U pryvatnaści, na addalenych staronkach publikavalisia miemy, anałahi jakich raniej vykarystoŭvała «fabryka trolaŭ».
Amierykanskija ŭłady abvinavačvajuć «Ahienctva internet-daśledavańniaŭ», taksama viadomaje jak «fabryka trolaŭ», va ŭmiašańni ŭ vybary prezidenta 2016 hoda. Pa viersii amierykancaŭ, supracoŭniki «fabryki trolaŭ» pisali pasty i kamientary ŭ sacsietkach u padtrymku Donalda Trampa. Minfin ZŠA ŭnios «fabryku trolaŭ» i jaje rabotnikaŭ u sankcyjny śpis.
Kamientary