Ministr zamiežnych spraŭ Biełarusi Uładzimir Makiej daŭ intervju najbujniejšaj štodzionnaj haziecie Hiermanii «Süddeutsche Zeitung». Vytrymki ź jaho pryvodzić sajt zamiežnapalityčnaha viedamstva.
U intervju ministr zakranuŭ situacyju, u jakoj znachodzicca Biełaruś pamiž dvuma bujnymi hieapalityčnymi hulcami: na ŭschodzie — Rasija, na zachadzie — ES.
«My znachodzimsia ŭ dalikatnaj, vielmi adčuvalnaj situacyi. Dobra, što my možam handlavać va ŭsich napramkach. U toj ža čas my znachodzimsia na linii pamiž dvuma asnoŭnymi hieapalityčnymi hulcami. I supraćstajańnie, u jakim jany zakranajuć nas i našych susiedziaŭ. U pieršuju čarhu heta tyčycca sankcyj i sankcyj u adkaz pamiž Rasijaj i krainami Zachadu, ad jakich my, jak adkrytaja, ekspartna aryjentavanaja kraina, mocna cierpim», — miarkuje U. Makiej.
Na jaho dumku, Biełaruś chacieła b padtrymlivać zbałansavanyja adnosiny z usimi. My razhladajem Rasiju jak svajho hałoŭnaha sajuźnika, jak našaha naturalnaha susieda, navat starejšaha brata, kaža ministr. «Kali my kažam pra minułaje, ja maju na ŭvazie były Saviecki Sajuz, my možam skazać, što my, słavianskija narody, brackija narody. (…) Ale heta nie značyć, što my pavinny hladzieć tolki na Rasiju», — dadaŭ jon, adznačyŭšy, što Biełaruś chacieła b raznastaić našy adnosiny i razhledzieć Jeŭrasajuz jak druhoha pa značnaści ekanamičnaha partniora.
Što da Ukrainy, to, na dumku ministra, situacyja tam dla Biełarusi źjaŭlajecca niehatyŭnym prykładam.
«U hetym, na moj pohlad, jość i vina ES, jaki ŭ minułym sprabavaŭ dałučyć Ukrainu jak maha chutčej. Ja razumieju žadańnie Ukrainy być bližej da Jeŭropy. Ale my nie chočam dziejničać pa ich łohicy», — padkreśliŭ kiraŭnik MZS.
«My chočam być krainaj, jakaja sadziejničaje stabilnaści, a nie turbulentnaści»,— zajaviŭ Uładzimir Makiej. Na pytańnie pra zapavietnaje žadańnie Makiej adkazaŭ: «Kab Biełaruś stała Šviejcaryjaj Uschodniaj Jeŭropy. Mabyć, i ŭsio».
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ6
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary