Najbujniejšy vytvorca małaka ŭ ZŠA zbankrutavaŭ: nie vytrymaŭ kankurencyi z boku novych raślinnych napojaŭ
Najbujniejšy amierykanski vytvorca małaka Dean Foods padaje dakumienty na bankructva, paviedamlaje CNN.
94-hadovaja kampanija pieražyvała ciažkija časy, tamu što amierykancy pjuć mienš karovinaha małaka. U 2019 hodzie prodažy kampanii ŭpali na 7% u pieršaj pałovie hoda, a prybytak źmienšyŭsia na 14%. Akcyi Dean Foods abvalilisia 80% sioleta.
Kampanija padaje na bankructva, kab pravieści restrukturyzacyju i zachavać biznes.
Małako pastupova hublaje papularnaść siarod spažyŭcoŭ, jakija šukajuć mienš sałodkija abo raślinnyja alternatyvy.
Pa prahnozach Euromonitor, suśvietny rynak zamieńnikaŭ małaka sioleta pieravysić 18 miljardaŭ dalaraŭ, što na 3,5% bolš, čym u 2018 hodzie.
Prodažy karovinaha małaka źnižajucca na praciahu apošnich čatyroch hadoŭ.
A voś prodažy, naprykład, aŭsianaha małaka za apošni hod padskočyli na 636% — da 53 miljonaŭ dalaraŭ.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary