Biełaruscy zabaranili razharnuć šalik z «Pahoniaj» na niamieckim stadyjonie. Kamientar ABFF
Incydent adbyŭsia 16 listapada padčas matča Hiermanija — Biełaruś na stadyjonie Borussia Park u niamieckim Mionchienhładbachu.
Pra heta ŭ svaim fejsbuku napisała zaŭziatarka zbornaj Biełarusi Alesia Biełanovič-Pietc.
«U minułuju subotu, 16 listapada, ja znachodziłasia na matčy Hiermanija — Biełaruś na stadyjonie Borussia Park. Naprykancy matča, na vychadzie z prybiralni (błok 11), da mianie padbiehła supracoŭnica achovy, razharnuła moj šalik i, pakazaŭšy na «Pahoniu», zajaviła, što na maim šaliku «zabaronieny simvał». Na maju prośbu rastłumačyć, dzie i kali hety simvał staŭ zabaronienym, ja nie atrymała adkazu. Tolki razhubleny paŭtor: «Heta zabaroniena».
«Ja viarnułasia na svajo miesca na stadyjonie, uśled za mnoj rušyli supracoŭnicy stadyjona i vyklikali ceły atrad ściuardaŭ na dapamohu. Tam mianie znoŭ paprasili źniać «zabaronieny simvał». Zdać šalik ja admoviłasia, paśla čaho mnie stali pahražać vyvieści sa stadyjona».
Zaŭziatarka adznačaje, što pra padobnyja zdareńni joj raskazvali i jaje siabry z haściavoha siektara. U adnych zabrali ściahi, inšych navat nie puścili na stadyjon.
Zaŭziatary miarkujuć, što takoje mahło adbycca tolki pa prośbie pradstaŭnikoŭ aficyjnaj biełaruskaj delehacyi. Padobnyja precedenty zdaralisia raniej.
Jany śćviardžajuć, što padčas papiaredniaj hulni ŭ Estonii miascovyja ściuardy atrymali instrukcyju i nie puskali ludziej na stadyjon ź bieł-čyrvona-biełymi ściahami i «Pahoniaj». Fanaty byli vymušanyja pranosić simvoliku pad adzieńniem.
«ABFF nie nakiroŭvała aficyjnych listoŭ, jakija tyčacca simvoliki ni ŭ Niamiecki futbolny sajuz, ni ŭ fiederacyju futboła Čarnahoryi», — zapeŭnivajuć «Našu Nivu» ŭ pres-słužbie ABFF.
U arhanizacyi dadajuć, što źviartalisia da arhanizataraŭ matča ŭ Hiermanii tolki z prośbaj uzmacnić miery biaśpieki na ŭvachodzie ŭ fanacki siektar, kab zaŭziatary nie pranieśli piratechniku. Bo paśla hulni ŭ Estonii na fiederacyju nakłali sankcyi.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary