BČ zapuścić mabilnuju prahramu dla afarmleńnia biletaŭ i admienić kamisijny zbor u internecie
Biełaruskaja čyhunka zapuścić 2 śniežnia mabilnuju prahramu dla afarmleńnia prajaznych dakumientaŭ «BČ. Moj ciahnik».
U kastryčniku-listapadzie mabilnaja prahrama «BČ. Moj ciahnik» była dastupnaj zakrytaj hrupie karystalnikaŭ. U doślednaj ekspłuatacyi ŭziali ŭdzieł bolš za 400 čałaviek.
Akramia taho, zapracuje abnoŭleny raździeł «Pasłuhi pasažyram» na sajcie BČ. Asablivaść raździeła ŭ tym, što možna afarmlać prajaznyja dakumienty niepasredna pry prahladzie raskładu bieź nieabchodnaści pieraklučeńnia na inšyja resursy. Pry hetym dastupna afarmleńnie elektronnych biletaŭ biez rehistracyi karystalnika na sajcie. Sajt adaptavany dla raboty jak na stacyjanarnych, tak i na mabilnych pryładach.
Prahramnyja pradukty źmiaščajuć dadatkovy funkcyjanał z mahčymaściu afarmleńnia elektronnych biletaŭ na ciahniki rehijanalnych linij ekanomkłasa, haradskich linij i afarmleńnia pierasadkavych maršrutaŭ z apłataj praz adziny košyk zakazaŭ.
Taksama BČ z 1 śniežnia admianiaje kamisijny zbor pry afarmleńni elektronnych biletaŭ.
Ciapier taki zbor pry kupli elektronnych biletaŭ na pajezdki ŭnutry krainy 24 kapiejki, a ŭ mižnarodnych znosinach — 78 kapiejek.
Sa śniežnia elektronny kvitok z elektronnaj rehistracyjaj budzie kaštavać mienš, čym pry kupli ŭ biletnaj kasie.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary