Načałava, Zavaratniuk, Zialenski. U Google raskazali, što šukali biełarusy ŭ internecie ŭ 2019 hodzie
U Google padviali vyniki hetaha hoda i nazvali temy, ludziej i filmy, jakimi čaściej za ŭsio cikavilisia biełarusy.
Sioleta bolš za ŭsio našy suajčyńniki šukali ŭ Google infarmacyju pra rasijskuju śpiavačku Juliju Načałavu.
Druhoje miesca ŭ Anastasii Zavaratniuk. Taksama ŭ top-5 uvajšli zapyty ab vośmym siezonie sieryjała «Hulni tronaŭ» i «Jeŭrabačańnie-2019». Zamykaje piaciorku Uładzimir Zialenski.
Šostaje miesca — zapyt pra rasijskaha repiera Decła.
Na 7 miescy sajt «pieriepiś.bieł», z dapamohaj jakoha možna było prajści pierapis nasielnictva.
Taksama biełarusy časta šukali sieryjały «IP Pirahova» i «Čarnobyl». Zamykajuć dziasiatku zapytaŭ Jeŭrapiejskija hulni.
U Google taksama padzialili zapyty pa asobnych temach. Samymi papularnymi piersonami ŭ 2019-m, akramia ŭžo nazvanych vyšej, stali Ała Vierbier, Cima Biełaruskich i Bary Alibasaŭ, tenisistka Aryna Sabalenka, śpiavačka Bili Ajliš i rasijskaja aktrysa Iryna Cyvina.
Samymi papularnymi ŭ pošuku filmami stali «Mściŭcy. Finał», «Džokier», «Adnojčy ŭ Halivudzie», «Palicejski z Rubloŭki. Navahodniaje biezhraničča» i «Jano-2».
Ź sieryjałaŭ biełarusy čaściej za ŭsio cikavilisia ŭ asnoŭnym rasijskimi, za vyklučeńniem «Hulni tronaŭ» na pieršym miescy i «Čarnobyla» na trecim.
Samym papularnym šou ŭ karystalnikaŭ Google z našaj krainy było «Jeŭrabačańnie». Dalej iduć «Płan B», «Bitva ekstrasensaŭ», «Oskar», «Ford Bajard», «Słavianski bazar», «Pacanki», «Ciažarnaja ŭ 16» i «Baradzina suprać Buzavaj».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary