25 hadoŭ tamu kampanija «Epł» vypuściła piersanalny kampjutar «Makintoš», jaki pieršy vykarystoŭvaŭ zvykły siońnia hrafičny interfejs (vokny, znački, mieniu na ekranie) dy myš. Ale nie mienš viadomym zrabiŭsia i simvał firmy — nadkusany jabłyk. Z historyi łahatypa.
Pieršy łahatyp «Epł» byŭ zrobleny ŭ 1976 zasnavalnikami firmy Styvam Džobsam i Ronaldam Vejnam, supravadžajučy pieršy ž pradukt firmy, kampjutar «Epł-1». Toje byŭ, miakka kažučy, źmiastoŭny tavarny znak. Na im byŭ vyjaŭleny matematyk i fizik Isaak Ńjutan, jaki siadzieŭ pad jabłyniaj, z haliny jakoj źvisaŭ abkružany nimbam jabłyk, što mieŭsia aščaślivić načyńnie čarapnoj karobki navukoŭca. Litaralna praz hod zasnavalniki pamianiali toj zabahaty łahatyp na bolš prostuju vyjavu — nadkušany jabłyk, pafarbavany ŭ kolery viasiołki. I mienavita stul pačała źjaŭlacca bieźlič viersijaŭ ab pachodžańni znaku, vokamhnienna ŭźnikła proćma tłumačeńniaŭ simvału.
U 1988 afarboŭka łahatypa pamianiałasia: ciapier jabłyk byŭ vytrymany ŭ čyrvonych kolerach. A ŭ 1998 čyrvony pierajnačyŭsia ŭ radykalny čorny. Nieŭzabavie dadałasia srebranaja madyfikacyja, jakuju možna sustreć na viečkach-manitorach epłaŭskich noŭtbukaŭ.
Ź ciaham času jabłyčny abrys zrabiŭsia adnym z samych paznavalnych u papularnaj kultury. Pieršaj, chto prykłaŭsia da imidžu «Epła», była aktorka kino Sara Džesika Parkier, što hrała panadnuju žurnalistku Kery Brendšoŭ u viadomym sieryjale «Seks i vialiki horad». Pavodle scenaru, Kery viadzie ŭ haziecie kałonku na temu adnosinaŭ pamiž mužčynami i žančynami. Teksty kałonki Kery nabiraje na pieranosnym kampjutary, viečka jakoha ŭpryhožvaje jabłyk. Ź ciaham sieryjaj robicca jasna, što hałoŭnaja hierainia palublaje nie tolki šmatlikich mužčynaŭ — žurnalistka taksama maje peŭnaje zamiłavańnie da svajho pieranosnaha siabra. Ź im jana i dzielicca ŭražańniami, i raicca pra luboŭnyja zakałoty. Fakt źjaŭleńnia na teleekranach ułasnaj pradukcyi nie schavaŭsia ad pilnych vačej kiraŭnikoŭ firmy «Epł»: jany navat vyrašali ŭdaskanalić vyjavu, pierakuliŭšy jaje dahary nahami. Ciapier jabłyk i nazva firmy zrabilisia zrazumiełymi dla tych, chto hladziać na advrotny bok adkrytaha viečka , a nie dla ŭładalnika kapjutara, kali jon zakryvaje viečka.
Nadkušany jabłyk pačaŭ źjaŭlacca na hrafici, naściennych malunkach, a na vulicach siońnia možna sustreć ludziej, na čyich pieradpleččach krasujecca vytatujavany płod. Ale ŭ spravie ŭviekaviečvańnia brenda ŭsich vypieradziŭ adzin japonski fiermier, jaki naklejvaje na jašče niaśpiełyja jabłyki admysłovuju nalepku. Tuju nalepku jon zdymaje vosieńniu, i tady na žaraj pavierchni śpiełaj sadaviny možna ŭbačyć paznavalny zielenavaty abrys.
Tut užo nie vytrymała i kontr-kultura. Ciapier naroŭni z admietnaj žoŭtaj litaraj «M» (tavarny znak «Madonaldsa») dy inšymi lohka paznavalnymi łahatypami suśvietnych karparacyjaŭ nadkusany jabłyk upryhožvaje pratestoŭnyja, poŭnyja niehatyŭnaha kanatacyi, płakaty i prakłamacyi antyhłabalistaŭ i zialonych.
Apošniuju rysku da papularnaści tavarnaha znaka dadaŭ Barak Abama, amierykanski prezident: zaśpiety fotakarespandentami ź jabłykam na viečku svajho noŭtbuku, jamu daviałosia pryznacca, što kupiŭ darahavatyja «Mak-buki» taksama dla dačok i žonki.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary