U Finlandyi abviarhajuć słovy premjer-ministra ab 4-dzionnym pracoŭnym tydni
Dziaržrada Finlandyi abviarhaje bačańnie premjer-ministra Sany Maryn pra mahčymy čatyrochdzionny pracoŭny tydzień. Navina pra zajavu premjera krainy raźlaciełasia dniami pa ŭsim śviecie.
Yle.fi ŭdakładniaje, što Maryn ahučyła svajo bačańnie ŭ kancy leta, to-bok da abrańnia na pasadu premjer-ministra, i va ŭradavaj prahramie ničoha nie havorycca pra skaročany pracoŭny tydzień.
Maryn upieršyniu ahučyła svaje dumki ŭ žniŭni na mierapryjemstvie z nahody 120-hadovaha jubileju Sacyjał-demakratyčnaj partyi.
— Liču, što hramadzianie zasłuhoŭvajuć taho, kab nadavać bolš času siamji, zachapleńniam i aśviecie. Heta mahło b stać nastupnym krokam u našym pracoŭnym žyćci, — zajaviła Maryn na śviacie.
Praz dva dni jana napisała ŭ tvitary, što heta bačańnie «siońnia, vierahodna, vyhladaje ŭtopijaj, ale ideja mahła b stać realnaściu ŭ budučyni».
Užo na pasadzie premjera Maryn takija dumki nie ahučvała.
Kamientary