У Фінляндыі абвяргаюць словы прэм'ер-міністра аб 4-дзённым працоўным тыдні
Дзяржрада Фінляндыі абвяргае бачанне прэм'ер-міністра Саны Марын пра магчымы чатырохдзённы працоўны тыдзень. Навіна пра заяву прэм'ера краіны разляцелася днямі па ўсім свеце.
Yle.fi ўдакладняе, што Марын агучыла сваё бачанне ў канцы лета, то-бок да абрання на пасаду прэм'ер-міністра, і ва ўрадавай праграме нічога не гаворыцца пра скарочаны працоўны тыдзень.
Марын упершыню агучыла свае думкі ў жніўні на мерапрыемстве з нагоды 120-гадовага юбілею Сацыял-дэмакратычнай партыі.
— Лічу, што грамадзяне заслугоўваюць таго, каб надаваць больш часу сям'і, захапленням і асвеце. Гэта магло б стаць наступным крокам у нашым працоўным жыцці, — заявіла Марын на свяце.
Праз два дні яна напісала ў твітары, што гэта бачанне «сёння, верагодна, выглядае ўтопіяй, але ідэя магла б стаць рэальнасцю ў будучыні».
Ужо на пасадзе прэм'ера Марын такія думкі не агучвала.
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе6
Каментары