Amierykanskija vajskoŭcy zahadzia viedali pra ataku na bazu ŭ Iraku, ale pa-roznamu pišuć ab krynicach
Vajskoŭcy ZŠA na avijabazie Al-Asad u Iraku viedali pra padrychtoŭku iranskaj ataki 8 studzienia, što dazvoliła im schavacca za dźvie z pałovaj hadziny da taho, jak vypuścili rakiety, piša CNN.
Bolšaść amierykanskich vajennych albo pakinuli bazu, albo schavalisia ŭ bunkierach niezadoŭha da taho, jak pieršy z čatyroch załpaŭ rakiet pačaŭsia ŭ sieradu.
Pa słovach vajskoŭcaŭ, amierykancy viedali, što na ich bazu budzie ataka, ale jany nie viedali, jakaja dakładna.
Ataka praciahvałasia kala dźviuch hadzin i była nakiravana tolki na amierykanski ŭčastak avijabazy, jaki składaje kala čverci irakskaj bazy.
Aficery nazvali «cudam» toje, što ŭ vyniku ataki nichto nie paciarpieŭ. Pa ich słovach, rakiety pacelili litaralna za niekalki mietraŭ ad bunkieraŭ, a niekatoryja supracoŭniki zastavalisia zvonku.
Raniej Fox News paviedamlaŭ, što amierykanski bok pra ataku papiaredziŭ Bahdad, jaki atrymaŭ hetyja źviestki ad Tehierana (Iran nie chacieŭ achviar siarod hramadzian Iraka).
Inšyja vydańni śćviardžajuć, što źviestki amierykancam pieradała za try hadziny da ataki raźviedka adnoj ź jeŭrapiejskich krain.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty14
Kamientary