U francuzskim departamiencie Sona i Łuara žandarmieryja papiaredziła kiroŭcaŭ pra niebiaśpieku na darohach paśla niezvyčajnaha vypadku z, imavierna, niećviarozym aleniem.
Žyviolinu źniali na videa kala darohi: aleń biehaŭ kruhami, padskokvaŭ, hublaŭ raŭnavahu i niekalki razoŭ padaŭ. U palicyi z humaram adznačyli, što «nie ŭsie ŭdzielniki darožnaha ruchu ćviarozyja».
Police in France are warning drivers in rural areas to be on the lookout for "drunk" deer exhibiting erratic behavior caused by the consumption of fermented fruits — or as police called it, a “forest aperitif.” https://t.co/uGT1Vy45cD pic.twitter.com/JVf2HS8QRR
Pavodle viersii pravaachoŭnikaŭ, aleń moh apjanieć ad pierabradziłych pładoŭ, šyšak abo hniłych raślin. Padčas zakisańnia ŭ takoj ježy ŭtvarajecca ałkahol, jaki moža ŭpłyvać na arhanizm dzikich žyvioł.
U francuzskaj žandarmieryi patłumačyli, što ŭ takim stanie žyvioły mohuć raptoŭna vybiahać na darohu, chaatyčna ruchacca abo niečakana spyniacca prosta na prajeznaj častcy.
Kiroŭcaŭ zaklikali być asabliva ŭvažlivymi ŭ ciomny čas sutak i na druhasnych darohach, dzie sustrečy ź dzikimi žyviołami adbyvajucca čaściej.
Śpiecyjalisty taksama adznačajuć, što pierabradziłyja płady mohuć upłyvać nie tolki na aleniaŭ, ale i na ptušak, nasiakomych dy inšych pradstaŭnikoŭ dzikaj pryrody.
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna
Pad Hrodnam ryś vyjšła ź lesu i paziravała ludziam na biervianie VIDEA
Pad Minskam znajšli paranienuju šeruju čaplu
«Mnie pofih. Štrafujcie mianie, ja bahaty». Turyst na Havajach kinuŭ kamień u redkaha ciulenia — miascovyja žychary nie daravali
Kamientary
Mianie prama kala majho padjezda taksama.
Moža być "Chronic wasting disease", pry hetaj chvarobie parušajecca praca niervovaj sistemy, kaardynacyja ruchaŭ.
Adzin ź simptomaŭ - "repetitive walking in set patterns".
Bolš raspaŭsiudžana ŭ Paŭnočnaj Amierycy, ale ŭ Jeŭropie taksama byvaje.