Sud u Lepieli 20 studzienia vynies prysud pa rezanansnaj spravie ab zabojstvie 2-hadovaha chłopčyka, u jakim abvinavačvali jaho maci — 24-hadovuju miascovuju žycharku Alenu Charlanok. Vierdykt — 13 hadoŭ kałonii. Stolki i prasiŭ prakuror, piša Tut.by.
— Prysud — 13 hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu, — paviedamiła aficyjny pradstaŭnik abłasnoha suda Natalla Płatonienka.
U apošnim słovie abvinavačanaja kazała, što «za tyja doŭhija miesiacy, što ja znachodziłasia ŭ SIZA, ja šmat čaho pieraasensavała i zrazumieła: ja ździejśniła samuju strašnuju pamyłku ŭ svaim žyćci. Ja vinavataja ŭ śmierci svajho maleńkaha syna. Z hetym hruzam na sercy — zanadta ciažka».
Abvinavačanaja pryznałasia, što choča viarnuć baćkoŭskija pravy na druhoha syna, Mikitu, jakoha naradziła praz 1,5 tydni paśla aryštu.
27 maja minułaha hoda 23-hadovaja žančyna źviarnułasia ŭ milicyju ŭ Lepieli z zajavaj, što jaje dvuchhadovy syn prapaŭ u parku. Vyśvietliłasia, što maci schłusiła. Pry vyvučeńni zapisaŭ kamier videanazirańnia vyśvietliłasia, što ŭ parku jana znachodziłasia adna. Padčas ahladu žylla žančyny znajšli cieła chłopčyka. Pavodle zaklučeńnia ekśpiertyz, śmierć dziciaci nastupiła ŭ vyniku miechaničnaj aśfiksii (zadušeńnia). Padčas śledstva abvinavačanaja pryznałasia ŭ strašnym złačynstvie.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary