pradstaŭniki mahiloŭskich uładaŭ pakinuli Sacyjalny forum.
pradstaŭniki mahiloŭskich uładaŭ pakinuli Sacyjalny forum.Pryniać zakon ab małym i siarednim biźniesie zapatrabavaŭ padčas svajho vystupleńnia 15 sakavika na III Sacyjalnym forumie, što prachodzić u Mahilovie, adzin ź lideraŭ pradprymalnickaha ruchu Aleś Taŭstyka.
Pavodle jaho słoŭ, zakonaprajekt byŭ raspracavany i pieradadzieny ŭ Pałatu pradstaŭnikoŭ užo dva hady tamu. «Ad pryniaćcia hetaha zakonu zaležyć žyćcio pradprymalnikaŭ, ich siemjaŭ i svajakoŭ, jakija taksama ŭdzielničajuć u biźniesie», — skazaŭ aktyvist.
Pry hetym A.Taŭstyka zapatrabavaŭ kankretnych rašeńniaŭ pa padtrymcy pradprymalnictva na rehijanalnym uzroŭni ad prysutnych u zale pradstaŭnikoŭ Mahiloŭskaha abłvykankama i Mahiloŭskaha harvykankama.I zrabiŭ heta ŭ dastatkova rezkaj i emacyjanalnaj formie.
U adkaz čynoŭniki pakinuli Sacyjalny forum.
U nastupnym vystupleńni były deputat pałaty pradstaŭnikoŭ Volha Abramava padtrymała patrabavańni A.Taŭstyki, ale pry hetym zajaviła, što vyniku možna dabicca tolki «šlacham uzhadnieńnia intaresaŭ» uładaj i małym biźniesam.
Pavodle jaje słoŭ, u novym składzie pałaty pradstaŭnikoŭ jość i byłyja pradprymalniki, tamu pradstaŭnikam biźniesu treba pracavać ź imi. V.Abramava zaznačyła, što takaja rabota bolš kanstruktyŭnaja, čym emacyjanalnyja vystupy na forumach i kruhły stałach. «Dyjałoh z uładaj treba pačynać nie z kanfliktaŭ, a z dobrazyčlivaha abo, prynamsi, niejtralnaha staŭleńnia da jaje pradstaŭnikoŭ», — skazała V.Abramava.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary