Premjer-ministr Ukrainy Alaksiej Hančaruk zajaviŭ, što ŭrad pracuje nad vyvučeńniem pytańnia ab praviadzieńni letnich Alimpijskich hulniaŭ va Ukrainie i Biełarusi, paviedamlaje AiF-Ukraina.
«Na maju dumku, hetaja ideja sapraŭdy zasłuhoŭvaje hłybokaha vyvučeńnia. Urad ciapier pracuje nad tym, kab vyvučyć hetuju situacyju z roznych punktaŭ hledžańnia i prapanavać kancept našym partnioram, kali hetaja inicyjatyva ŭ chutkim časie moža być realizavana … Heta važny i adkazny imidžavy krok. Takija maštabnyja prajekty spryjajuć infrastrukturnamu abnaŭleńniu dziaržavy, rostu turystyčnaj pryvabnaści i nacyjanalnaha prestyžu ŭ śviecie ŭ cełym», — skazaŭ Hančaruk na pasiadžeńni Arhkamiteta pa padrychtoŭcy i ŭdziełu spartsmienaŭ Ukrainy ŭ Alimpijadzie-2020 u Tokia.
Premjer daručyŭ vyvučyć vopyt Biełarusi ŭ praviadzieńni II Jeŭrapiejskich hulniaŭ i vopyt jeŭrapiejskich krain — u praviadzieńni Alimpijady. A taksama vypracavać dakładny płan u adpaviednaści konkursnym patrabavańniam, ustanoŭlenym Mižnarodnym alimpijskim kamitetam.
U lipieni 2019 hoda prezident Ukrainy Uładzimir Zialenski inicyjavaŭ padrychtoŭku da zajaŭki na praviadzieńnie Alimpijady.
«Nam patrebny peŭny płan, što my, skažam, hatovyja za 3-4 hady ŭsio pabudavać, i tady možam być u čarzie i pryniać Alimpijadu. My pavinny być ambicyjnymi», — padkreśliŭ tady prezident Ukrainy.
U vieraśni Alaksandr Łukašenka prapanavaŭ pravieści letnija Alimpijskija hulni sumiesna z Ukrainaj ci Rasijaj. Pavodle jaho słoŭ, va Ukrainie jość abjekty futbolnaj infrastruktury, jakich nie chapaje Biełarusi.
Letniaja Alimpijada ŭ 2020 hodzie projdzie ŭ Tokia, 2024-ha — u Paryžy, u 2028 hodzie ŭ Łos-Andžełasie. Takim čynam, najbližejšyja Letnija alimpijskija hulni, na jakija možna padać zajaŭku, adbuducca ŭ 2032 hodzie.
Va Ukrainie zahinuła 24-hadovaja biełaruskaja dobraachvotnica Maryja Zajcava9
Kamientary