Druhi miesiac zapar statystyka zavyšaje pakazčyk tempaŭ rostu VUP, zanižajučy deflatar. U realnaści tempy padzieńnia VUP dasiahnuli 6%. Piša ekanamist Alaksandr Čubryk.
Druhi miesiac zapar statystyka zavyšaje pakazčyk tempaŭ rostu VUP, zanižajučy deflatar. U realnaści tempy padzieńnia VUP dasiahnuli amal 6%. Piša ekanamist Alaksandr Čubryk.
Byŭ taki saviecki ekanamist Chanin, jaki raspracoŭvaŭ alternatyŭnyja acenki abjomaŭ haspadarki Savieckaha Sajuzu, a paśla j Rasiei. Jahonyja artykuły dy knihi publikavalisia navat za savieckim časam, navat u časopisie «Kommunist», choć vysnovy, jakija jon rabiŭ, śviedčyli ab vializnaj stupieni falsifikacyi statystyki tempaŭ ekanamičnaha rostu ŭ SSSR. Adzin ź jahonych artykułaŭ nazyvaŭsia «Łukavaja ličba». Pracy Chanina ŭzhadalisia, kali była apublikavanaja lutaŭskaja statystyka ab stanie biełaruskaj ekanomiki.
Voś jakija źviestki pryvodzić ahienctva «Interfaks» sa spasyłkaj na Biełstat:
1) u studzieni‑lutym realny VUP vyras na 2,3% u paraŭnańni z adpaviednym pieryjadam 2008 hodu.
2) Heta mienš, čym u studzieni (4,2% u paraŭnańni z studzieniem minułaha hodu).
3) Deflatar VUP u studzieni‑lutym skłaŭ 10,4%.
4) Heta mienš, čym u studzieni – 19,6%.
Tutaka chočacca skazać vielki dziakuj, što padali sapraŭdnuju ličbu deflataru za studzień. Ź jaje šlacham elemientarnaha aryfmietyčnaha vyliku vynikaje, što VUP u studzieni ŭpaŭ na 4,1%, a nie vyras na 4,2%, jak (NN amal nie pamyliłasia, kali aceńvała pra padzieńnie na 5%).
Zatoje
ličba deflatara za studzień‑luty, roŭnaja 10,4% — z razradu niejmaviernaha.U 2008 hodzie deflatar składaŭ 20,6%, u studzieni — 19,6%. Deflatar nijakim čynam nie moh tak rezka źnizicca ŭ pieraliku za studzień‑luty ŭ paraŭnańni sa studzieniem. Kanjunktura rynkaŭ u studzieni i lutym mała roźniłasia. U realnaści deflatar za studzień‑luty mała roźniŭsia ad studzieńskaha.
Darečy tut budzie patłumačyć, što aznačaje ekanamičny termin «deflatar» i našto jon vykarystoŭvajecca. Heta indeks siaredniaha rostu cenaŭ u košyku, jaki ŭklučaje ŭ siabie nie tolki spažyvieckija, kramnyja ceny, ale i ceny pramysłovych vytvorcaŭ, ceny budaŭničych pasłuh i h.d. Abjom ekanomiki vyličvajecca ŭ biahučych cenach (u studzieni‑lutym jon skłaŭ 18307 młrd rubloŭ), ale kožny čałaviek razumieje, što 1 rubiel u studzieni 2009 kaštavaŭ mieniej, čym u studzieni 2008, što za jaho mieniej možna było kupić, jon byŭ umoŭnym ekvivalentam mienšaje vartaści. Tamu rost VUP zaŭždy raźličvajecca nie ŭ biahučych, a ŭ supastaŭnych cenach, ź pieralikam praz deflatar.
Kali realny deflatar za studzień‑luty byŭ roŭny prykładna tym samym 19,6%, atrymlivajem skaračeńnie VUP za hetyja dva miesiacy na 6% u paraŭnańni z studzieniem‑lutym 2008 hodu.Heta značyć, što ŭ lutym VUP źmianšaŭsia jašče chutčejšymi tempami, čym u studzieni.
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary