«Mova Nanova» zapuściła novuju zručnuju płatformu dla tych, chto vučyć biełaruskuju movu anłajn
U Dzień rodnaj movy «Mova Nanova» pradstaŭlaje testavuju viersiju novaj unikalnaj płatformy dla anłajn-vyvučeńnia biełaruskaj movy — www.uroki.movananova.by. Unikalnaj, bo ŭsie materyjały aŭtarskija, stvoranyja vykładčykami kursaŭ «Mova Nanova» Alesiaj Litvinoŭskaj i Hlebam Łabadzienkam.
Ciapier dastupnyja 10 urokaŭ, pastupova buduć źjaŭlacca novyja i novyja.
Kožny ŭrok maje 5 častak: leksika, test pa leksicy, hramatyka, test pa hramatycy, cikavinki. Dobra pračytaŭšy materyjały, musicie prajści testy biez prablem. U kožnym teście aŭtamatyčna padličvajecca kolkaść pravilnych adkazaŭ.
Heta dema-viersija płatformy, tamu dapamažycie stvaralnikam u testavańni ŭrokaŭ i vyjaŭleńni abdrukovak, niedakładnaściaŭ i techničnych prablem. Dasyłajcie ŭsio zaŭvažanaje na movananova.by@gmail.com, možna razam sa skrynšotami. U tym liku skrynšoty, kali kantent vyhladaje niedakładna na ekranie roznych mabilnych pryładaŭ. Stvaralniki vielmi chacieli pakazać hetuju staronku ŭ dzień rodnaj movy, tamu takija rečy mahčymyja.
Hetaja anłajn-płatforma ŭbačyła śviet dziakujučy nievierahodnaj samaachviarnaj pracy prahramistak Iryny Pranovič i Kaciaryny Dzibuk. U litaralnym sensie nie splučy načami, jany za vielmi karotki termin stvaryli taki pryvabny pradukt, jaki musić dapamahčy ŭ vyvučeńni biełaruskaj movy tysiačam i tysiačam ludziej.
Anłajn-kursy biełaruskaj movy
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary