«Мова Нанова» запусціла новую зручную платформу для тых, хто вучыць беларускую мову анлайн
У Дзень роднай мовы «Мова Нанова» прадстаўляе тэставую версію новай унікальнай платформы для анлайн-вывучэння беларускай мовы — www.uroki.movananova.by. Унікальнай, бо ўсе матэрыялы аўтарскія, створаныя выкладчыкамі курсаў «Мова Нанова» Алесяй Літвіноўскай і Глебам Лабадзенкам.
Цяпер даступныя 10 урокаў, паступова будуць з'яўляцца новыя і новыя.
Кожны ўрок мае 5 частак: лексіка, тэст па лексіцы, граматыка, тэст па граматыцы, цікавінкі. Добра прачытаўшы матэрыялы, мусіце прайсці тэсты без праблем. У кожным тэсце аўтаматычна падлічваецца колькасць правільных адказаў.
Гэта дэма-версія платформы, таму дапамажыце стваральнікам у тэставанні ўрокаў і выяўленні абдруковак, недакладнасцяў і тэхнічных праблем. Дасылайце ўсё заўважанае на [email protected], можна разам са скрыншотамі. У тым ліку скрыншоты, калі кантэнт выглядае недакладна на экране розных мабільных прыладаў. Стваральнікі вельмі хацелі паказаць гэтую старонку ў дзень роднай мовы, таму такія рэчы магчымыя.
Гэтая анлайн-платформа ўбачыла свет дзякуючы неверагоднай самаахвярнай працы праграмістак Ірыны Прановіч і Кацярыны Дзібук. У літаральным сэнсе не сплючы начамі, яны за вельмі кароткі тэрмін стварылі такі прывабны прадукт, які мусіць дапамагчы ў вывучэнні беларускай мовы тысячам і тысячам людзей.
Анлайн-курсы беларускай мовы
-
«Жыве!» ці «Жыве вечна!»? Як правільна? Вакол гэтага пытання разгарнулася палкая дыскусія
-
У Польшчы выдалі падручнік для вывучэння беларускай мовы як замежнай. Ён пасуе і для саманавучання
-
Клункі, афэлак, расхрыстаны. Беларусы дзеляцца трапнымі беларускімі словамі, якія яны выкарыстоўваюць у рускай мове
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары