Narviehija pavialičvaje zdabyču nafty: ceny na jaje ŭpaduć jašče bolš
Narviehija, niahledziačy na nizkija ceny na naftu, płanuje jašče bolš pavialičyć jaje lišak na suśvietnym rynku, paviedamlajuć infarmahienctvy.
Narviežskaja dziaržaŭnaja kampanija Equinor ASA maje namier pavialičyć zdabyču na radoviščy Jochan Śvierdrup u Paŭnočnym mory, vyjšaŭšy na maksimum u 470 tysiač baralaŭ za dzień užo ŭ mai.
Heta, pa mienšaj miery, na miesiac raniej terminu, i na 30 tysiač baralaŭ za sutki bolš, čym prahnazavałasia, što va ŭmovach pieravytvorčaści i naftavaj vajny ŭskładnić situacyju na rynku.
Miarkujecca, što ŭ kancy 2022 hoda Narviehija štodnia budzie zdabyvać 690 tysiačaŭ baralaŭ.
U paniadziełak stała viadoma, što cana na naftu rasijskaj marki Urals ŭpała da ŭzroŭniu 1999 hodu — za jaje davali 16,2 dalara za baral.
Hałoŭnym faktaram, jaki ŭpłyvaje na suśvietnuju ekanomiku i zapavoleńnie popytu na naftu, zastajecca pandemija. Naftavyja kaciroŭki i kursy valut abrynulisia ŭ pačatku sakavika paśla navin ab tym, što ŭdzielniki ździełki APIEK+ nie zmahli praciahnuć damoŭlenaści pa zdabyčy nafty: Saudaŭskaja Aravija prapanoŭvała źnizić zdabyču, a Rasija — zachavać isnujučyja ŭmovy. U vyniku ad 1 krasavika pahadnieńnie spyniaje dziejańnie i abmiežavańniaŭ va ŭdzielnikaŭ aljansu bolš nie budzie.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary