Pradstaŭniki apazicyi ŭpieršyniu nazvali pamier hrašovych srodkaŭ, zraschodavanych na arhanizacyju masavaj akcyi.
Jak paviedamiŭ na pres‑kanfierencyi ŭ stalicy 26 sakavika adzin z zajaŭnikaŭ učarašniaj akcyi lider Partyi BNF Lavon Barščeŭski, biudžet śviatkavańnia Dnia Voli ŭ Minsku skłaŭ 720 tysiač rubloŭ.
Pavodle słoŭ Barščeŭskaha, suma «dastatkova ścipłaja». «Ale kali pry takim biudžecie my zdoleli sabrać ludziej, značyć, ideja Dnia Voli zrazumiełaja ludziam. Taksama zrazumieła, što ludzi pakul nie ŭ poŭnaj stupieni, ale pačynajuć adčuvać na sabie nastupstvy ekanamičnaha kryzisu», — dadaŭ palityk.
Pieršy namieśnik staršyni Partyi BNF Vincuk Viačorka paviedamiŭ, što
nazvanaja suma była zraschodavana na arendu «ścipłaj hukaŭzmacnialnaj aparatury i na drukavańnie ścipłaj ahitacyjnaj pradukcyi».
Pavodle słoŭ namieśnika staršyni Partyi BNF Viktara Ivaškieviča, «staŭka na samaarhanizacyju ludziej apraŭdała siabie». «Usie płakaty, ściahi ŭdzielniki akcyi prynieśli sami ŭ adkaz na zvaroty arhanizataraŭ praz srodki masavaj infarmacyi ab tym, što ludzi pavinny samaarhanizoŭvacca. Kab ludziej razvarušyć, kab jany pryzvyčailisia da taho, što nichto ničoha nie zrobić, akramia ich samich, treba pravodzić mienavita takija akcyi. Na hetaj akcyi častka ludziej adčuła navat zadavalnieńnie ad takoj samaarhanizacyi», — ličyć Ivaškievič.
Tak, pavodle słoŭ palityka, padčas akcyi dva piensijaniery prapanavali finansavuju dapamohu ŭ vyhladzie achviaravańniaŭ na praviadzieńnie mierapryjemstva. «Heta tolki dva čałavieki, ale raźvićcio hetaj samaarhanizacyi maje vialikuju pierśpiektyvu. Sapraŭdy, patrebny zvarot da ludziej, što bieź ich dapamohi nichto ničoha nie zrobić. Nie treba dumać, što apazicyja — heta prafiesijanały, i nazirać za ich dziejańniami z boku. Hety pasył, miarkuju, pavinien stać hienieralnym padčas padrychtoŭki masavych akcyj», — zajaviŭ Ivaškievič.
U cełym arhanizatary akcyi ličać, što śviatkavańnie Dnia Voli ŭdałosia.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli7
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary