Pra heta Alaksandr Łukašenka zajaviŭ siońnia na naradzie ab pastaŭkach nafty ŭ Biełaruś, pieradaje BIEŁTA.
«Majučy adkrytuju ekanomiku, my šmat u čym zaležym ad tych pracesaŭ, jakija raźvivajucca ŭ śviecie. Padziei raźvivajucca časam nieadnaznačna. Tamu mnoj zapłanavany šerah mierapryjemstvaŭ pa pytańniach, jakija ciapier patrabujuć reahavańnia ŭ najbolšaj stupieni i pierš za ŭsio ŭpłyvajuć na našu ekanomiku. Padkreślivaju: heta hałoŭnaje. Ekanomika, a značyć, žyćcio ludziej, nie tolki siońnia, ale i ŭ pierśpiektyvie — pytańnie numar adzin. Usio pavinna być padparadkavana hetym pytańni», — zajaviŭ biełaruski kiraŭnik.
Taksama Łukašenka daručyŭ stvaryć surjozny zapas nafty i paliva na niepradbačanyja vypadki.
«Na niepradbačanyja vypadki nieabchodna stvarać surjozny zapas syraviny (jak nafty, tak i paliva), jaki dazvolić nie parušać pracu halin i nie pieraryvać technałahičnyja pracesy», — zajaviŭ kiraŭnik dziaržavy.
Pierad pradstaŭnikami ŭrada i kiraŭnikami rehijonaŭ jon pastaviŭ šerah pytańniaŭ, u tym liku ŭ dačynieńni da najaŭnaści mahutnaściaŭ dla zachoŭvańnia nafty i zapasaŭ naftapraduktaŭ i sposabaŭ, jak ich možna naraścić.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary