Alaksandr Łukašenka, zasłuchoŭvajučy siońnia dakład ab hatoŭnaści sistemy achovy zdaroŭja procidziejničać pahrozam raspaŭsiudžvańnia karanavirusa, zapatrabavaŭ ad urada vyrašyć prablemy z najaŭnaściu indyvidualnych srodkaŭ abarony, piša BIEŁTA.
«Ja premjer-ministra i ŭrad papiaredziŭ: kali tolki da kanca tydnia adkaznyja ludzi mnie dałožać, što čahości nie chapaje ŭ aptekach, kramach abo balnicach, asabliva dla abarony lekaraŭ, — urada nie budzie. Buduć pracavać inšyja», — zajaviŭ Alaksandr Łukašenka.
Jon daručyŭ usioj viertykali ŭłady na čale z premjer-ministram vyrašyć prablemy z najaŭnaściu achoŭnych srodkaŭ u najbližejšyja dni. «Heta niedapuščalna, što my čahości nie možam zrabić. Masku hetuju niaščasnuju nie možam pašyć dla nasielnictva. Jany ž iduć šalikami achutvajucca (pravilna robiać), ale niaŭžo my masku nie možam pašyć? — zapytaŭ kiraŭnik dziaržavy. — Kazać, što ŭ nas siońnia dzieści deficyt hetaha, niedapuščalna. Tamu, kali jość hetyja prablemy, viertykal ułady na čale z premjer-ministram pavinny ich da paniadziełka vyrašyć».
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni34
Kamientary