Dyrektar Nacyjanalnaha mastackaha muzieju Ŭładzimir Prakapcoŭ patłumačyŭ, što dadzienaje mierapryjemstva niaprofilnaje dla Muzieja Vańkovičaŭ.
Dyrektar Nacyjanalnaha mastackaha muzieju Ŭładzimir Prakapcoŭ patłumačyŭ, što dadzienaje mierapryjemstva niaprofilnaje dla Muzieja Vańkovičaŭ.
Siońnia ŭ Minsku ŭ Muziei Vańkovičaŭ (vulica Internacyjanalnaja, 33‑a) musiła adbycca prezientacyja knihi Barysa Klejna «Niedoskazannoje. Imiena». Čakaŭsia vystup aŭtara.
Układalnikam knihi źjaŭlajecca litaraturny krytyk Alaksandra Fiaduta. Jon raspavioŭ NN akaličnaści admovy: «Hadzinu tamu my atrymali kančatkovy adkaz ad kiraŭnictva Nacyjanalnaha mastackaha muzieju, filijałam jakoha źjaŭlajecca Muziej Vańkovičaŭ. Uładzimir Prakapcoŭ patłumačyŭ zahadčycy filijała, što dadzienaje mierapryjemstva niaprofilnaje dla Muzieja Vańkovičaŭ». Pa słovach sp. Fiaduty, sproby pierakanać čynoŭnika, što kniha Klejna na pałovu pryśviečanaja 19 stahodździu, tamu heta jość naturalnaj nahodaj dla jaje prezientacyi mienavita ŭ Muziei Vańkovičaŭ, akazalisia marnymi.
Alaksandr Fiaduta padzialiŭsia ŭłasnymi zdahadkami, što pasłužyła pryčynaj dla admovy. «Dapuskaju, što tut niekalki pryčynaŭ. Pieršaje: Barys Klejn — emihrant, ale jon źjechaŭ u 1992 hodzie, nijakaha dačynieńnia da siońniašniaj ułady nie maje. Druhoje: Aŭtar knihi — habrej. Na vialiki žal, u čynoŭnickim asiarodździ jašče panujuć antysiemickija nastroi. I treciaje: Klejn byŭ siabram Vasila Bykava, partret jakoha prysutničaje i na vokładcy novaj knihi». A. Fiaduta miarkuje taksama, što nia varta šukać tut «ruki ŭładaŭ», chutčej havorka pra pierastrachoŭku na miescach.
***
Kniha haradzienskaha historyka Barysa Klejna (nar. 1928) — siabra Vasila Bykava i Alaksieja Karpiuka — źmiaščaje jak uspaminy (častka 1‑ia «Niedaskazanaje»), tak i narysy z hramadskaj dumki i kultury.
Kamientary