Z zajavaj ab pryznańni maładafrontaŭca Pilipa Šaŭrova palitviaźniem vystupili pravaabarončyja arhanizacyi.
Nahadajem, małady čałaviek byŭ zatrymany 19 studzienia paśla taho, jak sam źjaviŭsia ŭ milicyju z pryznańniem u tym, što heta jon rasfarbavaŭ ruki pomniku Alaksandru Puškinu ŭ Minsku.
Aktyvist taksama pryznaŭsia śledstvu, što 16-17 studzienia nanios farbaj nievialikuju vyjavu bieł-čyrvona-biełaha ściaha na pamiatny znak zahinułym supracoŭnikam MUS, a taksama 17-18 studzienia nanios nadpis «1937» na płocie pompavaj stancyi ŭ Baraŭlanach.
Na dadzieny momant materyjały spravy pieradadzienyja ŭ sud Centralnaha rajona Minska. Pilip Šaŭroŭ da hetaha času ŭtrymlivajecca pad vartaj u SIZA №1 h. Minska. U vypadku pryznańnia jaho vinavatym jamu pahražaje da šaści hadoŭ pazbaŭleńnia voli (maksimalnaje pakarańnie, praduhledžanaje sankcyjaj č. 2 art. 339 KK).
Pravaabaroncy ž ličać, što ŭ jahonych dziejańniach niama składu złačynstva pa č. 1 i č. 2 art. 339 KK («Chulihanstva»), a pazbaŭleńnie voli Pilipa Šaŭrova źjaŭlajecca advolnym i palityčna matyvavanym.
Tamu pravaabarončyja arhanizacyi pryznajuć Pilipa Šaŭrova palityčnym źniavolenym u adpaviednaści z p. 3.1(a) Kiraŭnictva pa vyznačeńni paniaćcia «Palityčny źniavoleny» i patrabujuć spynieńnia kryminalnaha pieraśledu aktyvista z admienaj miery strymańnia i vyzvaleńnia jaho z-pad varty.
Kamientary