Zasnavalnik Parka vysokich technałohij Valer Capkała idzie na vybary
Zasnavalnik Parka vysokich technałohij Valer Capkała idzie na prezidenckija vybary, pra heta jon zajaviŭ na svajoj staroncy ŭ fejsbuku.
Čytajcie taksama: «Vy b i Styva Džobsa aryštavali»: piać faktaŭ pra Valeryja Capkału
Capkała piša, što ŭ śviecie adbyłasia revalucyja: na źmienu epochi mas pryjšoŭ čas asabistaj svabody čałavieka.
«Zamiest prymityŭnaj «viertykali kiravańnia» pryjšli novyja mietady arhanizacyi dziaržavy i hramadstva, zasnavanyja na partniorstvie, supracoŭnictvie i haryzantalnym uzajemadziejańni.
Hetaja revalucyja prajšła mima Biełarusi. Bolš za toje, zvyš čverci stahodździa kraina ruchałasia ŭ procilehłym kirunku. U krainie zaćviardžalisia siamiejnyja, nieafieadalnyja adnosiny z mahčymaściu prajavy roznych formaŭ kapryznaści, biescyrymonnaści i hrubaści ŭ adnosinach da tych, chto staić nižej u sacyjalnaj leśvicy», — krytykuje ciapierašniuju situacyju ŭ Biełarusi Capkała.
U vyniku sfarmiravałasia hramadstva, pazbaŭlenaje iskraŭ tvorčaści, śmiełaści, advahi, ličyć jon.
«Vyniki hetaha my dobra bačym. Ekanomika straciła kankurentazdolnaść, a hramadstva — zdolnaść da raźvićcia», — piša stvaralnik PVT.
Capkała adznačaje, što pakul śviet burna raźvivaŭsia ekanamična, Biełaruś taptałasia na miescy.
«Hetaje zatchłaje pavietra i atmaśfiera bieśpierśpiektyŭnaści demaralizuje ludziej, zabivaje ich aptymizm i tvorčy zapał», — piša jon.
Capkała taksama apisaŭ katastrafičnuju demahrafičnuju situacyju ŭ krainie.
«Biełaruskaje Adradžeńnie, mahčymaść jakoha jašče adčuvałasia ŭ siaredzinie 90-ch hadoŭ minułaha stahodździa, nie adbyłosia. Jano źmianiłasia časami niahody, pieryjadam zastoju, stahnacyi, hramadskaj apatyi i abyjakavaści», — praciahvaje jon.
Samaja vialikaja pahroza dla Biełarusi — heta nieefiektyŭnaja ekanomika, archaičnaja sistema kiravańnia, biednaść, ličyć Capkała.
Jon piša, što pryniaŭ rašeńnie bałatavacca na pasadu prezidenta.
«U mianie dastatkova dla hetaha i kiraŭnickaha, i žyćciovaha vopytu! Majučy surjoznyja kantakty ŭ palityčnych i spravavych kołach u roznych krainach śvietu, ja zmahu ich vykarystoŭvać na karyść naroda Biełarusi!» — piša Capkała.
***
Valer Capkała naradziŭsia 22 lutaha 1965 hoda ŭ Hrodnie.
U 1991 h. skončyŭ Maskoŭski dziaržaŭny instytut mižnarodnych adnosin Ministerstva zamiežnych spraŭ SSSR, a ŭ 1992 h. — aśpiranturu hetaha ž instytuta.
Byŭ savietnikam Viarchoŭnaha Savieta Respubliki Biełaruś XII-ha sklikańnia i Vykanaŭčaha sakrataryjata Sadružnaści Niezaležnych Dziaržaŭ (1993-1994 hh.).
Z 8 žniŭnia 1994 da 20 studzienia 1997 hh. byŭ pieršym namieśnikam ministra zamiežnych spraŭ Respubliki Biełaruś.
24 lutaha 1997 h. byŭ pryznačany Nadzvyčajnym i Paŭnamocnym Pasłom Respubliki Biełaruś u Złučanych Štatach Amieryki i Mieksicy pa sumiaščalnictvie, adstaŭleny z hetych pasad byŭ 2 krasavika 2002 h.
Z 2002 da 2005 hh. pracavaŭ pamočnikam Łukašenki — kaardynavaŭ analityčnuju dziejnaść, nie abmiažoŭvajučysia śfieraj mižnarodnych adnosin, byŭ paŭnamocnym pradstaŭnikom prezidenta ŭ Nacyjanalnym schodzie.
11 kastryčnika 2005 h. zaniaŭ pasadu kiraŭnika PVT. 2 sakavika 2017 hoda Łukašenka zvolniŭ jaho.
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary