U krasaviku na Viciebščynie 5 tysiač čałaviek pieranieśli virusnyja pnieŭmanii
Pra heta haziecie «Vićbičy» paviedamiŭ načalnik hałoŭnaha ŭpraŭleńnia pa achovie zdaroŭja abłvykankama Michaił Višniaviecki.
Pa jaho słovach, 20% miedrabotnikaŭ, jakija byli infikavanyja karanavirusam, vyzdaravieli, u tym liku i ad pnieŭmanii, i prystupili da pracy.
5 tysiač čałaviek u krasaviku pieranieśli virusnyja pnieŭmanii. Ciapier dla achvotnych z hetaj katehoryi arhanizujuć reabilitacyju ŭ sanatoryi «Čyhunačnik» (tut budzie 219 łožkaŭ). Kurs adnaŭleńnia raźličany na 10-12 dzion z uporam na dychalnuju himnastyku.
Ad dalečvańnia pnieŭmanij vyzvalili sanatoryj «Letcy», jaki ŭ pik epidemii ŭ druhoj pałovie krasavika zadziejničali pad hetyja mety.
Pakul zachavaje infiekcyjny profil haradskaja balnica №1.
U Viciebskaj vobłaści — trochi bolš za 1130 tysiač žycharoŭ.
Pavodle źviestak kitajskich i zachodnich navukoŭcaŭ, pnieŭmanija raźvivajecca prykładna ŭ 15% nośbitaŭ COVID-19. Adpaviedna, pa kolkaści virusnych pnieŭmanij možna acanić realnaje raspaŭsiudžańnie karanavirusa.
Kamientary