U domie, padvale doma, a taksama chlavie, što naležyć V.Makuciu, byŭ praviedzieny vobysk.
Pa spravie Mikałaja Aŭtuchoviča, Juryja Lavonava i Uładzimira Asipienki zatrymany ślesar kampanii «Styf‑Trans» Viktar Makuć.
Jak paviedamiŭ BiełaPAN pravaabaronca Aleh Vołčak, ranicaj 6 krasavika ŭpaŭnavažanym adździeła pa baraćbie z arhanizavanaj złačynnaściu MUS Jarasłavam Kavieckim i čatyrma supracoŭnikami śpiecpadraździaleńnia «Ałmaz»
u domie, padvale doma, a taksama chlavie, što naležyć V.Makuciu, byŭ praviedzieny vobysk. U chlavie znojdziena niekalki palaŭničych patronaŭ, paviedamiŭ A.Vołčak. Sam V.Makuć zatrymany.
«Firma «Styf‑Trans» zajmajecca hruzapieravozkami i arandavała pamiaškańnie tam ža, dzie pracavaŭ Mikałaj Aŭtuchovič, — skazaŭ A.Vołčak. — Makucia ŭžo dapytvali pa hetaj spravie 8 lutaha — u dzień, kali byli zatrymany Aŭtuchovič, Lavonaŭ i Asipienka. Ciapier supracoŭniki pravaachoŭnych orhanaŭ zajavili, što tady Makuć štości ŭtaiŭ ad śledstva. Jaho zatrymali na try dni i adpravili ŭ Minsk. Pavodle našaj infarmacyi, jon znachodzicca ŭ Centry izalacyi pravaparušalnikaŭ na vulicy Akreścina».
Pravaabaronca padkreśliŭ, što V.Makuciu 55 hadoŭ, u jaho maci‑invalid i ŭ samoha vysoki nyračny cisk.«Jamu nie dali mahčymaści ŭziać z saboj leki, a bieź lekaŭ jon nie moža», — zajaviŭ A.Vołčak.
Vaŭkavyskija pradprymalniki Ju.Lavonaŭ, M.Aŭtuchovič i U.Asipienka byli zatrymany 8 lutaha.Sankcyju na zatrymańnie i vobysk u ich kvaterach daŭ prakuror Hrodzienskaj vobłaści. 18 lutaha ŭsim trom było pradjaŭlena abvinavačańnie pa art. 218 KK (naŭmysnaje źniščeńnie albo paškodžańnie majomaści). Pravaabaroncy ličać zatrymanych palityčnymi źniavolenymi i źviartajuć uvahu na toje, što M.Aŭtuchovič i Ju.Lavonaŭ raniej užo byli sudzimyja i pryznanyja «Mižnarodnaj amnistyjaj» viaźniami sumleńnia.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku60
Kamientary