Unikalny vypadak u suśvietnaj praktycy: pandemija, a Minzdaroŭja bolš za miesiac nie adkazvała na pytańni žurnalistaŭ
Siońnia 28 maja, a apošni raz bryfinh u Ministerstvie adbyŭsia 24 krasavika.
Tady namieśnica ministra Alena Bohdan začytała padrychtavanuju infarmacyju i admoviłasia adkazvać na pytańni karespandentaŭ. Heta taksama byŭ adziny dzień, kali pradstaŭnica Minzdaroŭja publična pryniesła spačuvańni siemjam pamierłych ad epidemii.
Pierad tym pres-kanfierencyja adbyłasia 17 krasavika z udziełam ministra achovy zdaroŭja Uładzimira Karanika. Padčas jaje ministr i jaho kalehi prykładna 45 chvilin vystupali z ustupnymi słovami, paśla čaho kala 10 chvilin adkazali na niekalki pytańniaŭ žurnalistaŭ — pry hetym vybirali sami, chto moža zadać pytańni.
Taja pres-kanfierencyja skončyłasia pratestami. Syn pamierłaha ŭ Barysavie fielčara źvinavaciŭ ministra ŭ chłuśni nakont jaho baćki. Ministr zajaviŭ, što ŭ pryčynie śmierci hetaha miedrabotnika jašče treba razabracca, na što syn prademanstravaŭ paśviedčańnie ab śmierci taty z paznačanym u im COVID-19.
Čytajcie taksama: «Kaho vy sprabujecie padmanuć? Što za končanaja dziaržava?» Syn pamierłaha fielčara pakazaŭ Karaniku paśviedčańnie ab śmierci taty
Akramia taho, žurnalisty vyjavili, što nazvanyja ministram Karanikam ličby chvorych pa rajonach Viciebskaj vobłaści ŭ razy razychodziacca z kolkaściu, abvieščanaj u toj ža dzień miascovymi ŭładami.
U bolšaści jeŭrapiejskich krain u čas pandemii ŭpaŭnavažanyja asoby sanitarnych słužbaŭ štodzionna infarmavali hramadskaść pra situacyju. U mnohich krainach kiraŭniki viedamstva rabili heta asabista. Statystyka, u tym liku pa rajonach, nie składaje ŭ inšych jeŭrapiejskich krainach tajamnicy.
Pa aficyjnych źviestkach, pa stanie na 28 maja ŭ Biełarusi zafiksavana biez małoha 40 tysiač vypadkaŭ karanavirusa.
Pa našaj infarmacyi, balnicy mnohich haradoŭ krainy zastajucca praktyčna całkam zapoŭnienyja chvorymi na COVID-19.
Jak možna zrabić vysnovu, supastaŭlajučy najaŭnyja źviestki, u bolšaści rajonaŭ krainy kolkaść pnieŭmanij našmat, časam u dziasiatki razoŭ, pieravyšaje jak zvyčajnyja dla hetaha siezona pakazčyki, tak i aficyjna zarehistravanuju kolkaść vypadkaŭ karanavirusa.
Apošnija aficyjnyja źviestki pra zahružanaść balnic i kolkaść špitalizavanych pacyjentaŭ ź pnieŭmanijaj prahučali amal miesiac nazad, 2 maja — tady ich było 12 800. Usie nastupnyja dni kolkaść vyjaŭlenych vypadkaŭ karanavirusa pieravyšała kolkaść vylečanych chvorych. Heta aznačaje, što ciapier takich pacyjentaŭ u balnicach našmat bolš.
Čamu Cichanoŭskaja nie pajechała na pachavańnie Papy?23
Kamientary