Kiraŭnik inicyjatyŭnaj hrupy Łukašenki: 50% podpisaŭ my sabrali pa miescy žycharstva ludziej
Pra heta Michaił Orda zajaviŭ u kamientary Tut.by. Kiraŭnik inicyjatyŭnaj hrupy tłumačyć: podpisy źbirali nie tolki na dziaržaŭnych, ale i na pryvatnych pradpryjemstvach.
«Što tyčycca pradpryjemstvaŭ, to heta i pryvatnyja, i dziaržaŭnyja arhanizacyi. Ale tut niekalki niapravilna kazać pra «abychod pradpryjemstvaŭ». Zboram podpisaŭ tam, jak praviła, zajmajucca sami rabotniki hetych pradpryjemstvaŭ, jakija ŭvachodziać u našu inicyjatyŭnuju hrupu. Pry hetym my aryjentavali členaŭ našaj hrupy, što siońnia, uličvajučy epidemijałahičnuju situacyju, treba staracca, kab nie było zboru ludziej.
Členy našaj hrupy padčas abiedu, da i paśla pracy prapanujuć kaleham pastavić podpis za vyłučeńnie našaha kandydata.
Pa miescy žycharstva podpisy źbirajem taksama praktyčna va ŭsich rehijonach. U cełym bolš za 50% podpisaŭ my sabrali mienavita pa miescy žycharstva ludziej.
— Vy sabrali «kala 1 miljona podpisaŭ» (Orda adkazvaŭ da taho, jak Alaksandr Łukašenka zajaviŭ, što ŭžo sabraŭ 1,5 miljona). Kolki ź ich u Minsku?
— Uličvajučy, što ŭ stalicy siońnia pražyvaje dosyć vialikaja kolkaść ludziej, to i podpisaŭ tut za vyłučeńnie našaha kandydata sabrana šmat. Ale viedajecie, napeŭna, niapravilna budzie dzialić — Minsk, rajony, vioski i hetak dalej. Pry vybarach prezidenta ŭsia kraina — heta, vobrazna kažučy, adna vybarčaja akruha. I kožny hramadzianin, niezaležna ad miesca žycharstva, maje prava padpisacca za vyłučeńnia svajho kandydata. Pryčym hałasy va ŭsich žycharoŭ, skažam tak, adnolkavyja pa vazie — niachaj heta budzie ŭ Minsku, u vioscy na Paleśsi abo čałavieka, jaki pražyvaje na chutary. Tamu nie baču sensu padzialać i supraćpastaŭlać ličby, - adznačyŭ Michaił Orda.
Padčas pieršaha pikieta za dziejučaha prezidenta ŭ Miensku Michaił Orda adznačyŭ, što pikiety ŭ chutkim časie buduć stajać usiudy — u ludziej, jakija chočuć pakinuć podpis, jość zapyt.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary