Ivan Ejsmant: Va ŭnutranyja spravy Biełarusi ŭmiašałasia inšaja dziaržava
Viadučy «Pramoha efiru» i staršynia Biełteleradyjokampanii Ivan Ejsmant vykazaŭ zdahadku, što za «spravaj Biełhazprambanka» staić «niešta bolšaje, čym prosta finansavyja spravy Babaryki i jaho kaleh». Ab hetym jon zajaviŭ u efiry telekanała «Biełaruś 1», piša Tut.by.
Raspaviadajučy padrabiaznaści kryminalnaj spravy ŭ dačynieńni da kiraŭnictva «Biełhazprambanka», jaki da niadaŭniaha času ŭznačalvaŭ pretendent u kandydaty na pasadu prezidenta Viktar Babaryka, Ivan Ejsmant nie vyklučyŭ zamiežnaha ŭmiašańnia ŭ biełaruskija spravy.
— Całkam možna dazvolić sabie zrabić vysnovu ab tym, što za ŭsioj hetaj historyjaj staić niešta bolšaje, čym prosta finansavyja spravy Babaryki i jaho kaleh. Pa toj infarmacyi, što ŭ nas jość, nazirajucca sproby ślady zamieści, što, napeŭna, łahična. Vidavočna, što sprava idzie da abnarodavańnia kudy bolš surjoznych faktaŭ pa kudy bolš surjoznych katehoryjach. Naprykład, pa fakcie ŭmiašańnia zamiežnaj dziaržavy ŭ biełaruskija ŭnutranyja spravy, — zajaviŭ Ejsmant.
Pra jakuju mienavita zamiežnuju dziaržavu idzie havorka, jon nie skazaŭ.
Kamientary