Kolkaść achviar karanavirusa ŭ Šviecyi pieravysiła 5000
102 čałavieki pamierli ad karanavirusa ŭ Šviecyi za apošni dzień. Ahulnaja kolkaść achviar pandemii tut pieravysiła 5000, paviedamlaje šviedski statystyčny sajt.
Za situacyjaj u Šviecyi sočać, bo razam ź Biełaruśsiu heta adzinaja ŭ Jeŭropie kraina, jakaja nie ŭvodziła strohi karancin. Šviecyja taksama viadomaja vysokaj stupieńniu prazrystaści, jaje statystyka vartaja davieru.
Šviedskaja stratehija abiarnułasia vysokaj śmiarotnaściu. Kolkaść achviar u pieraliku na 100 tysiač čałaviek u Šviecyi ŭžo ŭ 5 razoŭ bolšaja, čym u susiedniaj Danii, u 10 razoŭ — čym u Narviehii i ŭ 9 — čym u Finlandyi. Usie hetyja krainy supastaŭnyja pa klimacie, bahaćci i raźvitaści sistemy achovy zdaroŭja. Karanavirus pranik u hetyja krainy adnačasova.
Šviedskija epidemijołahi, jakija prapanavali hety padychod da pandemii, trymajucca dumki, što inšyja krainy projduć praz bolš masavyja zaražeńni paźniej.
Varta adznačyć, što ekanomika Šviecyi ŭpała prykładna ŭ toj ža miery, što i haspadarki krain, jakija abviaścili karancin. Adnak pazicyja ŭrada krainy padabajecca mnohim šviedam, adpaviadaje ich surovamu nacyjanalnamu charaktaru. Rejtynh kiraŭničaj sacyjał-demakratyčnaj partyi ŭ čas pandemii vyras.
Kolkaść vyjaŭlenych vypadkaŭ karanavirusa ŭ Biełarusi i Šviecyi prykładna adnolkavaja. Pry hetym, pa aficyjnaj statystycy, u Biełarusi praviedziena ŭ 2,2 razu bolš testaŭ. Pamierła ad karanavirusa ŭ Biełarusi, pa aficyjnaj infarmacyi, u 16 razoŭ mienš ludziej, čym u Šviecyi.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary