Budynak nie budzie rekanstrujavany radykalnym čynam.
1 krasavika Biełaruskaja respublikanskaja navukova‑mietadyčnaja rada pa pytańniach historyka‑kulturnaj spadčyny pry Ministerstvie kultury pryniała kančatkovaje rašeńnie pra los ŭnikalnaha budynka Nacyjanalnaha akademičnaha teatra imia Janki Kupały.
Budynak nie budzie rekanstrujavany radykalnym čynam.
Pra heta TUT.BY paviedamiła načalnik architekturna‑restaŭracyjnaha adździeła «Prajektrestaŭracyi», navukovy kiraŭnik abjekta Kupałaŭskaha teatra Ludmiła Ivanova.
U minułym hodzie Ministerstva kultury zaklučyła damovu z VRUP «Prajektrestaŭracyja», jakoje taksama ŭvachodzić u strukturu Minkulta, na rekanstrukcyju z restaŭracyjaj budynka teatra.
Raspracavany prajekt prapanuje viartańnie hałoŭnamu i častkova bakavym fasfdam pieršapačatkovaha, dasavieckaha architekturnaha vyhladu.
U studzieni eskizny prajekt instytuta «Prajektrestaŭracyja» ź nievialikimi papraŭkami byŭ zaćvierdžany na pasiedžańni Biełaruskaj respublikanskaj navukova‑mietadyčnaj rady pa pytańniach historyka‑kulturnaj spadčyny, jakuju ŭznačalvaje namieśnik kultury Uładzimir Hrydziuška.
Ale praź miesiac Rada zusim niečakana zaćvierdziła jak pierśpiektyŭnuju prapanovu dekana architekturnaha fakulteta BNTU Armiena Sardarava,
jakoje praduhledžavała prybudovu da staroha budynka teatra ultrasučasnaha škłobietonnaha hmachu z fasadam na praśpiekt Niezaležnaści.
Ale, jak skazała Ludmiła Ivanova,
1 krasavika na pasiedžańni ŭ Minkultury byŭ kančatkova zaćvierdžany ekskizny prajekt rekanstrukcyi teatra, raspracavany «Prajektrestaŭracyjaj».
Za jaho prahałasavali ŭsie, aproč adnaho (Armiena Sardarava) siabry Rady. Studencki prajekt architekturna‑ inavacyjnaha centra BNTU paŭtorna na razhlad Rady nie vystaŭlaŭsia.
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary