Prezident Brazilii Žair Bałsanaru admianiŭ zapłanavanyja da kanca tydnia mierapryjemstvy z-za simptomaŭ, charakternych dla karanavirusnaj infiekcyi. Pra heta paviedamiŭ u paniadziełak telekanał CNN Brasil sa spasyłkaj na kiraŭnika dziaržavy.
Prezident zdaŭ test na karanavirus. Jaho vynik čakajecca ŭ aŭtorak.
Pa słovach Bałsanaru, u jaho padniałasia tempieratura da 38 hradusaŭ, a pracent nasyčeńnia kryvi kisłarodam apuściŭsia da 96%. Kiraŭnik dziaržavy taksama paviedamiŭ, što zrabiŭ mahnitna-rezanansnuju tamahrafiju lohkich, jakaja nie vyjaviła prablem.
Jak skazaŭ Bałsanaru, dla lačeńnia jon prymaje hidraksichłarachin. Raniej SAAZ pryniała rašeńnie spynić vyprabavańni hidraksichłarachinu ŭ jakaści lekaŭ ad karanavirusa, bo jon nie dapamahaje.
Prezidenta Bałsanaru, jaki pradstaŭlaje krajnich pravych, krytykavali za braviravańnie svaim skieptycyzmam u adnosinach da karanavirusa. U pačatku pandemii jon zajaŭlaŭ, što Covid-19 — usiaho tolki lohkaja prastuda.
Ciapier Brazilija, pavodle Suśvietnaj mietryki, znachodzicca na druhim miescy ŭ śviecie pa kolkaści vyjaŭlenych vypadkaŭ zaražeńnia karanavirusam — zvyš 1,5 miljona. U krainie ad karanavirusa pamierli 65,5 tysiačy čałaviek.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary