Прэзідэнт Бразіліі Жаір Балсанару адмяніў запланаваныя да канца тыдня мерапрыемствы з-за сімптомаў, характэрных для каранавіруснай інфекцыі. Пра гэта паведаміў у панядзелак тэлеканал CNN Brasil са спасылкай на кіраўніка дзяржавы.
Прэзідэнт здаў тэст на каранавірус. Яго вынік чакаецца ў аўторак.
Па словах Балсанару, у яго паднялася тэмпература да 38 градусаў, а працэнт насычэння крыві кіслародам апусціўся да 96%. Кіраўнік дзяржавы таксама паведаміў, што зрабіў магнітна-рэзанансную тамаграфію лёгкіх, якая не выявіла праблем.
Як сказаў Балсанару, для лячэння ён прымае гідраксіхларахін. Раней СААЗ прыняла рашэнне спыніць выпрабаванні гідраксіхларахіну ў якасці лекаў ад каранавіруса, бо ён не дапамагае.
Прэзідэнта Балсанару, які прадстаўляе крайніх правых, крытыкавалі за бравіраванне сваім скептыцызмам у адносінах да каранавіруса. У пачатку пандэміі ён заяўляў, што Covid-19 — усяго толькі лёгкая прастуда.
Цяпер Бразілія, паводле Сусветнай метрыкі, знаходзіцца на другім месцы ў свеце па колькасці выяўленых выпадкаў заражэння каранавірусам — звыш 1,5 мільёна. У краіне ад каранавіруса памерлі 65,5 тысячы чалавек.
Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад7
Каментары