MZS Kitaja: U Biełaha doma jašče jość čas zadumacca i vypravić situacyju
Namieśnik ministra zamiežnych spraŭ KNR Čžen Czehuan zrabiŭ surjoznaje pradstaŭleńnie pasłu ZŠA ŭ Piekinie Tery Brendstedu paśla padpisańnia amierykanskim prezidentam Donaldam Trampam zakonaprajekta ab sankcyjach u dačynieńni da Kitaja ŭ suviazi ź situacyjaj u Hankonhu, paviedamlajuć infarmahienctvy.
«Ja chacieŭ by prosta zajavić amierykanskamu boku: my žorstka adkažam na lubyja prajavy hiehiemonii i niespraviadlivyja vypady Złučanych Štataŭ na adras Kitaja, — cytuje słovy Čžen Czehuana aficyjnaja staronka MZS KNR u sacyjalnaj sietcy WeChat. — «Vialikija płany» Vašynhtona, skiravanyja na toje, kab zatarmazić raźvićcio našaj krainy, asudžanyja na pravał».
Namieśnik ministra ŭdakładniŭ, što ŭ Biełaha doma jašče jość čas, kab zadumacca i vypravić situacyju.
Raniej prezident ZŠA Donald Tramp paviedamiŭ, što padpisaŭ zakonaprajekt ab sankcyjach u dačynieńni da KNR u suviazi ź situacyjaj u Hankonhu, a taksama vykanaŭčy ŭkaz ab skasavańni handlova-ekanamičnych prefierencyj. Tym samym hety rehijon hublaje pryvilejavany status u spravavych adnosinach sa Złučanymi Štatami i budzie razhladacca Vašynhtonam naroŭni z macierykovym Kitajem.
30 červienia kitajski parłamient pryniaŭ zakon ab zabieśpiačeńni nacyjanalnaj biaśpieki ŭ Hankonhu. Jon nakiravany na praduchileńnie takich złačynstvaŭ, jak sieparatyzm, teraryzm, padryŭ dziaržaŭnaj ułady, zmovu z zamiežnymi siłami, a taksama praduhledžvaje ŭ jakaści vyšejšaj miery pakarańnia pažyćciovaje źniavoleńnie. Urad Kitaja taksama stvaryŭ u hetym śpiecyjalnym administracyjnym rajonie orhany dziaržbiaśpieki, na jakija nie budzie raspaŭsiudžvacca jurysdykcyja Hankonhskaj administracyi. Bieły dom uspryniaŭ hetuju inicyjatyvu jak parušeńnie aŭtanomii.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary