Termin kredytu na BiełAES praciahnuli na 2 hady, staŭku źnizili da 3,3%
Heta praduhledžana źmienami ŭ pahadnieńnie ab pradastaŭleńni ŭradu Biełarusi kredytu dla budaŭnictva AES, havorycca ŭ paviedamleńni na sajcie Minfina.
14 lipienia ŭ Maskvie padpisany pratakoł ab uniasieńni źmianieńniaŭ u pahadnieńnie pamiž uradami Biełarusi i Rasii ab pradastaŭleńni dziaržaŭnaha ekspartnaha kredytu dla budaŭnictva BiełAES ad 25 listapada 2011 hoda.
«Pratakołam praduhledžana pavieličeńnie ŭ paraŭnańni ź dziejučymi ŭmovami na dva hady pieryjadu dastupnaści kredytu, ilhotnaha pieryjadu i, adpaviedna, terminu kredytu. Heta dazvolić skarystacca srodkami kredytu na budaŭnictva atamnaj elektrastancyi až da ŭvodu jaje ŭ ekspłuatacyju ŭ 2022 hodzie», — adznačajecca ŭ paviedamleńni Minfina.
Taksama źnižana pracentnaja staŭka pa kredycie da 3,3% hadavych i źmienieny režym staŭki — z płavajučaj na fiksavanuju.
«Heta dazvolić palepšyć pakazčyki prajekta budaŭnictva atamnaj elektrastancyi, źnizić vydatki biełaruskaha boku pa absłuhoŭvańni źniešniaj dziaržaŭnaj pazyki i zastrachavać ryzyku niavyznačanaści ŭ suviazi z admovaj u siarednieterminovaj pierśpiektyvie ŭdzielnikami hłabalnaha finansavaha rynku ad pieramiennaj staŭki LIBOR», — paviedamlaje Minfin.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary