SK: Pa fakcie padziej 14 lipienia ŭ Minsku zatrymanyja čatyry čałavieki. Zaviali jašče dźvie kryminalnyja spravy
«Pa fakcie arhanizacyi i aktyŭnaha ŭdziełu ŭ hrupavych dziejańniach, jakija hruba parušajuć hramadski paradak na terytoryi Minska i spałučajucca ź vidavočnym niepadparadkavańniem zakonnym patrabavańniam supracoŭnikaŭ orhanaŭ unutranych spraŭ, USK pa Minsku raspačata kryminalnaja sprava pa art. 342», paviedamlaje pres-słužba SK.
U chodzie vyvučeńnia videamateryjałaŭ śledčyja vyjavili nieadnarazovyja fakty prymianieńnia hvałtu ŭ dačynieńni da supracoŭnikaŭ AMAPa, jakim u vyniku supraćpraŭnych dziejańniaŭ byli naniesienyja traŭmy roznaj stupieni ciažkaści. Niekatoryja ź ich praciahvajuć znachodzicca na lačeńni ŭ balnicach.
Pa hetych faktach USK pa Minsku raspačatyja kryminalnyja spravy pa art. 363 (supraciŭ supracoŭniku orhanaŭ unutranych spraŭ) i art. 364 (hvałt u dačynieńni da supracoŭnika orhanaŭ unutranych spraŭ) Kryminalnaha kodeksa.
Zatrymanyja čaćviora mužčyn, ź ich udziełam pravodziacca nieabchodnyja śledčyja i pracesualnyja dziejańni. Pravaachoŭniki praciahvajuć vyśviatlać inšych asob, jakija majuć dačynieńnie da ździajśnieńnia pakazanych złačynstvaŭ.
Akramia hetaha, śledčyja ŭstanavili dačynieńnie zatrymanych da arhanizacyi i aktyŭnaha ŭdziełu ŭ hrupavych dziejańniach, jakija hruba parušajuć hramadski paradak. Pa kryminalnaj spravie, zaviedzienaj raniej pa art. 342 Kryminalnaha kodeksa, zatrymanych minčukoŭ pryznali padazravanymi.
Praciahvajecca praviadzieńnie śledčych dziejańniaŭ i apieratyŭna-vyšukovych mierapryjemstvaŭ. Atrymanyja miedycynskija dakumienty ab stanie zdaroŭja paciarpiełych milicyjantaŭ, a taksama videazapisy, raźmieščanyja na roznych internet-resursach, vyvučanyja i dałučanyja da materyjałaŭ kryminalnaj spravy. Dla vyśviatleńnia ŭsich abstavinaŭ pryznačana praviadzieńnie šerahu ekśpiertnych daśledavańniaŭ. Vyšejpakazanyja kryminalnyja spravy złučanyja ŭ adnoj vytvorčaści, havorycca ŭ paviedamleńni SK.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary