Rasija nie zacikaŭlenaja ŭ destabilizacyi abstanoŭki ŭ Biełarusi, jak heta adbyłosia va Ukrainie ŭ 2014 hodzie. Pra heta zajaviŭ u čaćvier namieśnik kiraŭnika MZS RF Andrej Rudenka ŭ intervju pieršamu namieśniku hienieralnaha dyrektara TASS Michaiłu Husmanu.
«U adroźnieńnie ad zamiežnych hulcoŭ, jak ciapier kažuć — aktaraŭ, Rasija nie zacikaŭlenaja ni ŭ jakich «majdanach», ni ŭ jakich kijeŭskich scenarach [u Biełarusi], — skazaŭ Rudenka. — Toje, što adbyłosia na Ukrainie, stała takoj pryščepkaj dla mnohich dziaržaŭ, u tym liku dla brackaj, samaj blizkaj dla nas krainy — Biełarusi».
Namieśnik kiraŭnika MZS RF źviarnuŭ uvahu na toje, što Rasija spakojna naziraje za tym, što adbyvajecca ŭ Biełarusi. «Rasija nie ŭmiešvałasia i nie źbirajecca ŭmiešvacca ŭ vybarčyja pracesy, u nas niama nijakaj cikavaści ŭpłyvać na mierkavańnie biełarusaŭ. Kančatkovy vybar pavinny zrabić biełaruski narod, i my hety vybar pryznajem», — reziumavaŭ jon.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary