Ministr adukacyi Ihar Karpienka čarhovy raz paćvierdziŭ, što suprać idei adkryćcia profilnych kłasaŭ u biełaruskich škołach, za vyklučeńniem piedahahičnych i ahrarnych, piša interfax.by.
«Ja nie prychilnik hetaha. Bajusia, kab my nie adbili žadańnia iści ŭ miedycynski. Miedyki siońnia i tak vučacca šeść hadoŭ, zatym jašče internaturu. A my čałavieka sa školnaj łavy pačniom zahružać. Dzieci mohuć stracić cikavaść, stamicca, urešcie. Da takich ekśpierymientaŭ treba padychodzić akuratna», — adznačyŭ Karpienka.
Źjaŭleńnie ŭ Biełarusi ahrarnych i piedahahičnych kłasaŭ Karpienka źviazaŭ ź niedachopam kadraŭ u hetych prafiesijach.
«Bo čamu źjavilisia ahrarnyja i piedahahičnyja kłasy? U hetych prafiesijach nie chapaje kadraŭ. I na takija śpiecyjalnaści adčuvajecca niedachop abituryjentaŭ. Spadziajomsia, profilnyja kłasy vyrašać hetuju prablemu — u vypusknikoŭ jość prefierencyi pry pastupleńni. Prablem pa miedycynskim profili niama — tam surjoznyja konkursy», — rastłumačyŭ jon.
-
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
-
«Polšča ŭžo nie taja». Biełarusy, jakija doŭha nie jeździli na zakupy, ździvilisia cenam i novym praviłam
-
Minskija ŭłady raskazali pra vyniki ŭčarašniaha patopu na zavułku Čarviakova
Kamientary