16 lipienia ŭ Brydžuotery (Ńju-Džersi) pamierła dziejačka biełaruskaj emihracyi ŭ ZŠA, mastačka Irena Rahalevič-Dutko.
Jana naradziłasia ŭ 1942 hodie ŭ Žytkavičach. Baćki Ireny, Michal ź Jefimijaj Rahalevičy, ź siamiorkaj dziaciej pierasialilisia z pavajennaj Niamieččyny ŭ Amieryku ŭ 1950 hodzie.
Tut usie jany dobra abžylisia dziakujučy pracavitaści dy pryrodžanym talentam. Usie dzieci zdabyli sabie vyšejšuju aśvietu i dobruju pracu.
Irena paśla zakančeńnia ŭ horadzie Jork (Piensilvanija) Akademii Mastactva pracavała ŭ roznych žanrach mastackaj tvorčaści: kłasičnym, hrafičnym, a taksama ikanapisnym. U šmat jakich damach amierykanskich biełarusaŭ jaje karciny napaminajuć žylcam pra miłuju sercu dalokuju baćkaŭščynu.
Vokładki vydadzienych Biełaruskim instytutam navuki i mastactva tvoraŭ emihracyjnych piśmieńnikaŭ uzbahačanyja partretami aŭtaraŭ Ireninaj raboty.
A ŭ carkvie sv. Jeŭfrasińni Połackaj u Saŭt-Ryviery dvaccać napisanych joju ikon dadajuć malitoŭny nastroj u hetaj śviatyni.
Taksama napisanaja joju ikona Błahavieščańnia ŭzbahačvaje ikanastas carkvy imia Žyrovickaj Maci Božaj u horadzie Hajlend-Park niedaloka ad Saŭt-Ryviera.
Irena Rahalevič-Dutko była aktyŭnaj inicyjatarkaj i ŭdzielnicaj cełaha šerahu kulturnych mierapryjemstvaŭ (vystaŭki, fiestyvali, afarmleńnie płakataŭ dy inš.), metaj jakich było infarmavać amierykancaŭ pra Biełaruś. Razam z mužam Mikałajem Dutko jany zabiaśpiečyli viorstku šykarnaj dvuchmoŭnaj knihi Janki Zaprudnika «Biełaruskija festyvali j vystaŭki ŭ Ńju-Džiersi. Palityčnaja infarmacyja movaju mastactva (1948-2011 hh)».
Pachavanaja na biełaruskim mohilniku carkvy sv. Jeŭfrasińni Połackaj niabožčyca pakinuła ŭ hłybokim smutku muža Mikałaja, zamužniuju dačku Tamaru i dvoje ŭnukaŭ. Viečnaja joj pamiać!
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova5
Kamientary