Vybary-20202222

Navošta Michaił Čyhir pajšoŭ u kiraŭniki štaba Kanapackaj? Tłumačym

Mnohich ździviła, što były premjer-ministr Biełarusi Michaił Čyhir (1994 — 1996) staŭ kiraŭnikom pieradvybarčaha štaba kandydatki ŭ prezidenty Hanny Kanapackaj. «Naša Niva» pasprabavała razabaracca, što stajała za hetym rašeńniem.

Michaił Čyhir. Fota Radyjo Svaboda

Najpierš my patelefanavali samomu Čyhiru, kab pačuć usio ź pieršych vusnaŭ. Ale były kiraŭnik urada, zdajecca, krychu vinavata, skazaŭ, što Kanapackaja zabaraniła jamu davać kamientary dla «Našaj Nivy». «Ja padnačaleny, spračacca nie budu», — skazaŭ Michaił Mikałajevič.

Sama Kanapackaja admoviłasia tłumačyć takoje rašeńnie. Jaje pres-słužba zajaviła, što štab admaŭlajecca supracoŭničać z «NN».

Čytajcie taksama: Člen štaba Kanapackaj pryznaŭsia, kolki podpisaŭ nasamreč sabrali na BiełAZie

Jak stała viadoma «NN», na rašeńnie eks-premjera dałučycca da kamandy Kanapackaj paŭpłyvała daŭniaje siabroŭstva z baćkam kandydatki Anatolem Truchanovičam. Biznesoviec Truchanovič nieadnarazova prychodziŭ na dapamohu Čyhiru, kali ŭ jaho była składanaja situacyja.

Faktyčna Čyhir pryznaŭ, što nie moža admović siabru, kali toj prosić u jaho niešta. Niekalki ŭpłyvovych ludziej z AHP, u tym liku były staršynia Nacbanka Stanisłaŭ Bahdankievič, sprabavali ŭhavaryć Čyhira nie padpisvacca pad takoj avanturaj, ale nie atrymałasia.

Plus da ŭsiaho apošnija hady Čyhir nie duža cikavicca palityčnym žyćciom, jon siadzić za horadam, dzie zajmajecca pčalarstvam, amal nie čytaje internet.

Pa infarmacyi «Našaj Nivy», Čyhir nie čakaŭ takoj niehatyŭnaj reakcyi i kolkaści telefanavańniaŭ paśla taho, jak stała viadoma pra jahonaje rašeńnie. Sam Čyhir ciapier krychu ŭ šoku ad taho, jak sustreli jahonaje rašeńnie.

Michaił Čyhir syšoŭ u adstaŭku z pasady premjera, pratestujučy suprać pavieličeńnia paŭnamoctvaŭ Łukašenki. U 1999 hodzie pasprabavaŭ udzielničać u alternatyŭnych vybarach, jakija ładziŭ Viktar Hančar.

30 sakavika 1999 hoda Čyhir byŭ aryštavany pa abvinavačvańniach u złoŭžyvańni słužbovymi paŭnamoctvami jašče ŭ bytnaść premjer-ministra. Faktyčna alternatyŭnyja vybary byli sarvanyja. Čyhir adsiadzieŭ u SIZA vosiem miesiacaŭ, a ŭ 2000-m jamu prysudzili try hady z adterminoŭkaj. Pad represii taksama trapiła žonka Michaiła Čyhira i syny. U 2002 sudovy pieraśled Čyhira praciahnuŭsia, jamu dali try hady z adterminoŭkaj za niaspłatu padatkaŭ.

Čytajcie taksama:

Marynič, Kazulin, Čyhir: jak raspraŭlalisia z byłymi top-čynoŭnikami, jakija kinuli vyklik Łukašenku

«Mnie jašče krainaj kiravać»: Kanapackaja nie budzie ŭdzielničać u debatach

Kamientary22

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»10

Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»

Usie naviny →
Usie naviny

U Jeŭropie skłali płan pa abaronie nieba Ukrainy ad rakietnych napadaŭ4

Pa ŭsioj Biełarusi dzień 6 sakavika byŭ rekordna ciopłym. Pad Minskam — +19.7!

Śpiecpasłańnik Trampa paćvierdziŭ, što na nastupnym tydni adbuducca pieramovy Ukrainy i ZŠA7

Redaktar biełaruskaj Vikipiedyi: Budučynia prajekta — za štučnym intelektam15

«Heta nie ja abrała Babu Niuru, a jana mianie». Błohierka raskazała, čamu stała tyktok-zorkaj u vobrazie viaskovaj žančyny13

Biełaruscy, jakaja ŭžo siem hod žyvie ŭ ZŠA, patelefanavali z hrodzienskaha KDB11

Siońnia ŭ Minsku byŭ vielmi pryhožy zachad sonca FOTY

Z-błohiery paviedamlajuć pra niaŭdačy rasijskich vojskaŭ na Danbasie1

Zialenski zajaviŭ pra adnaŭleńnie pracy z ZŠA2

bolš čytanych navin
bolš łajkanych navin

Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»10

Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić