Kiraŭnik dypłamatyi ES adreahavaŭ na kryminalnuju spravu suprać Kaardynacyjnaj rady
Žuzep Barel, viarchoŭny pradstaŭnik ES pa pytańniach źniešniaj palityki i palityki biaśpieki, zaklikaŭ biełaruskija ŭłady spynić kryminalnuju spravu suprać Kaardynacyjnaj rady i pačać dyjałoh z apazicyjaj dziela mirnaha vychadu ź ciapierašniaha kryzisu, piša Radyjo Svaboda.
«Tolki mirny i demakratyčny praces moža zabiaśpiečyć ustojlivyja rašeńni. Važna, kab biełaruskija ŭłady zabiaśpiečyli ŭmovy i biaśpiečnuju prastoru dla dyjałohu. Kaardynacyjnaja rada, u skład jakoj uvachodziać pradstaŭniki roznych častak biełaruskaha hramadstva, źviarnułasia da ŭładaŭ z prapanovaj dyjałohu, a ŭłady adkazali adkryćciom kryminalnaj spravy. Robiačy heta, biełaruskija dziaržaŭnyja orhany znoŭ viarnulisia da zapałochvańnia, zychodziačy z palityčnych matyvaŭ. (…) My čakajem, što biełaruskija ŭłady spyniać kryminalnuju spravu i zamiest hetaha buduć vieści dyjałoh z metaj mirnaha vychadu ź ciapierašniaha kryzisu pry poŭnym zachavańni demakratyčnych i asnoŭnych pravoŭ biełaruskaha narodu», — zajaviła Nabiła Masrali, pres-pradstaŭnik Žuzepa Barela
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary