Sotni ludziej u Maładziečnie pryjšli raźvitacca ź Mikitam Kryŭcovym. Trunu z paniaviečanym ciełam nakryli nacyjanalnym ściaham
![](http://nnexpictures.fra1.digitaloceanspaces.com/img/w732d4webp1/photos/z_2020_08/photo_2020-08-25_13-23-41-chbpf.jpg.webp)
Pachavańnie ŭdzielnika akcyj pratestu, jakoha nie mahli znajści dziesiać dzion, adbyvajecca ŭ Maładziečnie, piša Radyjo Svaboda.
Raźvitańnie ź Mikitam Kryŭcovym pačałosia ŭ 12.30 u rytualnaj zali Maładečna na vulicy Janki Kupały, 50. Ludzi pačali tam źbiracca za hadzinu da pačatku raźvitańnia. Akramia znajomych zahinułaha, na raźvitańnie ź Mikitam pryjšli ŭdzielniki fanackaha ruchu z Maładečna, a taksama ź inšych haradoŭ, u tym liku ź Bieraścia, Barysava i Miensku. Da 12.30 kala rytualnaj zali sabrałasia niekalki socień čałaviek.
«My nia vierym u toje, što Mikita zrabiŭ heta sam, — skazaŭ žurnalistam adzin z udzielnikaŭ fanackaha ruchu Maładečna. — Nie mahło jaho cieła stolki času znachodzicca ŭ piatli ŭ parku Miensku».
![](http://nnexpictures.fra1.digitaloceanspaces.com/img/w732d4webp1/photos/z_2020_08/66ce0faa-138c-47d3-b22f-b76ad3a136b5_w650_r0_s-37nat.jpg.webp)
Znajomyja zahinułaha raskazvajuć, što bačyli jaho 10 žniŭnia na miescy akcyj pratestu ŭ Miensku.
Raniej baćka Mikity Kryŭcova ŭ prysutnaści niezaležnaha sudova-medyčnaha eksperta i advakata ahledzieŭ cieła syna ŭ morhu.
![](http://nnexpictures.fra1.digitaloceanspaces.com/img/w732d4webp1/photos/z_2020_08/0e2533ae-fb73-4e8b-a06a-cd78de858b98_w650_r0_s-3fj3f.jpg.webp)
«Pavodle našaha eksperta, treba dačakacca vynikaŭ daśledavańniaŭ, najpierš histalahičnych, — paviedamiŭ Radyjo Svaboda advakat Kryŭcovych Viktar Mackievič. — Cieła za hety čas mocna źmianiłasia. Baćku vielmi ciažka było na heta hladzieć».
Pavodle eksperta, jak pieradaje advakat, «adbylisia vyraznyja hniłasnyja źmieny miakkich tkanak cieła, pakazalisia kości».
![](http://nnexpictures.fra1.digitaloceanspaces.com/img/w732d4webp1/photos/z_2020_08/de3191aa-96cc-430f-8200-0bf0de895a7f_cx0_cy10_cw0_w1023_r1_s-30t7j.jpg.webp)
Žychar Maładečna Mikita Kryŭcoŭ źnik 11 žniŭnia 2020 hodu. 12 žniŭnia žonka zajaviła pra jahonaje źniknieńnie. Pierad źniknieńniem jon chadziŭ na akcyi pratestu.
22 žniŭnia cieła Mikity Kryŭcova znajšli ŭ lesaparku ŭ rajonie Parnikovaj vulicy ŭ Miensku. Pavodle infarmacyi SK, jahonaja śmierć nia nosić kryminalnaha charaktaru. Siamja Mikity Kryŭcova nie pahadziłasia z versijaj «samahubstva» i padała zajavu ŭ Śledčy kamitet.
Pachavajuć Mikitu Kryŭcova na starych mohiłkach Maładečna. Trunu ź ciełam ad rytualnaj zali niasuć na rukach. Jana nakrytaja bieł-čyrvona-biełym ściaham.
![](http://nnexpictures.fra1.digitaloceanspaces.com/img/w732d4webp1/photos/z_2020_08/malazieczna4_200825-uklpb.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2020_08/malazieczna5_200825-pwlo2.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2020_08/malazieczna5_200825-pwlo2.jpg.webp)
«Lubiŭ žyćcio i mieŭ vialikija płany». Žonka Mikity Kryŭcova nie vieryć, što jon skončyŭ žyćcio samahubstvam
-
«Vy chto? Pacany ci baby»? Žadańnie atrymać adkaz na heta pytańnie pryviało kiroŭcu z Rečycy na łavu padsudnych
-
Siłaviki ŭvarvalisia ŭ namiotavy łahier pad Pinskam, dzie moładź sabrałasia na rok-kancert
-
Novy pasoł atrymaŭ paŭnamoctvy vice-premjera pa adnosinach z Rasijaj i ciapier adkazvaje za heta hałavoj
Kamientary