1 vieraśnia Leninski sud Mahilova asudziŭ žurnalista internet-vydańnia «Mahiloŭski rehijon 6tv.by» Alaksandra Sabaleŭskaha na 8 sutak administracyjnaha aryštu. Na znak pratestu suprać niezakonnaha źniavoleńnia žurnalist abviaściŭ haładoŭku, piša «Svaboda».
Sudździa Viktoryja Palakova pryznała Alaksandra Sabaleŭskaha vinavatym u parušeńni paradku praviadzieńnia masavych mierapryjemstvaŭ. Pavodle prysudu, jon udzielničaŭ 30 žniŭnia ŭ niesankcyjanavanym šeści. U toj dzień u Mahilovie prachodziŭ «Marš miru i niezaležnaści».
Svajoj viny Sabaleŭski nie pryznaŭ. Jon zajaviŭ, što nia ŭdzielničaŭ u šeści, a prysutničaŭ na im jak žurnalist i vioŭ ź jaho strym, jaki tranślavaŭsia na sajcie «Mahiloŭski rehijon 6tv.by». Žurnalist nastojvaŭ, što nie vykrykvaŭ lozunhaŭ i nie trymaŭ transparantaŭ, i davodziŭ sudu, što ŭ jahonych dziejańniach niama składu pravaparušeńnia. «Vyrak nazyvaju pravavoj svavolaj i abviaščaju haładoŭku», — prakamentavaŭ Sabaleŭski.
Alaksandra Sabaleŭskaha zatrymali 31 žniŭnia na Maršy miru i niezaležnaści, kali jon adstaŭ ad kalony, fiksujučy, jak žychar doma skidaŭ na pratestoŭcaŭ zbanki z kvietkami. Pra heta jon paviedamiŭ milicyjantam. Nieŭzabavie jaho schapili ludzi ŭ cyvilnym i zanieśli ŭ mikraaŭtobus. U aŭtobusie zabrali reparterski ryštunak.
Da sudu žurnalista dvoje sutak trymali ŭ izalatary. U materyjałach spravy adznačajecca, što Sabaleŭski vioŭ repartaž z šeścia i havaryŭ ź jahonymi ŭdzielnikami. Sudździa paličyła viadzieńnie tranślacyi dokazam aktyŭnaha ŭdziełu žurnalista ŭ šeści.
Ciapier čytajuć
U Kipry źnik Uładzisłaŭ Baŭmhiertnier, były hiendyrektar «Urałkalija». Jaho zatrymlivali pa skandalnaj spravie ŭ Minsku, kali jon prylataŭ da Miaśnikoviča
Kamientary