ZŠA papiaredzili ab sankcyjach suprać Minska z-za situacyi z Kaleśnikavaj
Dziaržaŭny sakratar ZŠA Majkł Pampiea paviedamiŭ, što Vašynhton sumiesna z partniorami razhladajuć mahčymaść uviadzieńnia novych sankcyj u dačynieńni da Minska ŭ suviazi ź situacyjaj vakoł čalca Kaardynacyjnaj rady Maryi Kaleśnikavaj, paviedamlaje Reuters.
«ZŠA ŭ kaardynacyi z našymi partniorami i chaŭruśnikami razhladajuć dadatkovyja metavyja sankcyi dla zabieśpiačeńnia adkaznaści tych, chto ŭdzielničaje ŭ parušeńni pravoŭ čałavieka i represijach u Biełarusi», — zajaviŭ Pampiea.
Pavodle jaho słoŭ, Vašynhton hłyboka zaniepakojeny paviedamleńniami ab tym, što adbyvajecca ŭ dačynieńni da Kaleśnikavaj i inšych členaŭ Kaardynacyjnaj rady, u tym liku Antona Radniankova i Ivana Kraŭcova.
Dziaržsakratar zaklikaŭ ułady Biełarusi spynić hvałt u dačynieńni da svajho naroda, vyzvalić usich zatrymanych, u tym liku hramadzianina ZŠA Vitala Šklarava, a taksama «ŭstupić u kanstruktyŭny dyjałoh z sapraŭdnymi pradstaŭnikami biełaruskaha hramadstva».
Radniankoŭ i Kraŭcoŭ raskazali, jak pakinuli Biełaruś i jak Kaleśnikava parvała svoj pašpart
Kolki nasamreč ciahnucca pracoŭnyja pajezdki Łukašenki? Cikavyja ličby10
Kamientary